幸福班戟 (已結業)

星期四一個人10:30am 排第一個, 裡面坐滿人，我估我係第二輪。10:50am 入到，陸續見人食完走，條龍只有三四人, 見到啲人排十零分鐘就入坐。order完仲要等最少二十分鐘等佢整。十一點十五分直情有吉枱唔駛等。一個人叫咗一個咸一個甜pancake, 三文魚牛油果忌廉芝士，同幸福班戟。講真唔係好識欣賞一陣風咁嘅soufflé pancake, 唔鍾意濕濕地漿住嘅口感，唯一好處就係唔會好甜，反而覺得三文魚同salad好得。咸嘅好過甜pancake，起碼無咁一pat。Sorry, 唔識欣賞。唔駛排隊可能會返轉頭試其他咸嘅。要排隊一定無下次。