丼吉日式吉列豬排專門店 (形點 I)

营业中

休息中

試咗yoho咁多間餐廳，成日經過丼吉日式吉列豬排專門店，今次終於去食啦。去到六點幾，唔洗等位。入去可以坐卡位，好闊落，坐得好舒服。要大讚佢哋員工嘅服務，十分出色，完全滿足到客人嘅需要！👍🏻手磨芝麻，之後加豬排汁:芝麻好香！不過我覺得豬排汁太酸。侍應生會將唔同嘅醬汁一一介紹，邊一款醬汁係配豬，邊一款醬汁係配海鮮都會講解俾客人聽。我地叫咗餐嘅炸物有吉列帶子，吉列豬排，吉列豬柳同吉列大蝦！哇，好大份呀！侍應生提醒帶子盡快食，因為佢係半生熟嘅口感，會好快出水。吉列帶子十分鮮甜，外面裹住香脆嘅皮，內里多汁鮮嫩。正！吉列大蝦好彈牙！比起吉列豬排，我個人鍾意吉列豬柳多啲，冇咁肥。豬排同豬柳都好多汁嫩滑。其實我個胃會怕食得太多油膩野，我食到三之一，就覺得有啲膩，好彩有無限添嘅椰菜沙律解膩(配柚子沙律汁同紫菜沙律汁都100個好味）。另外，佢哋啲白飯都好好飯，都係無限添。呢part好欣賞侍應生，佢地好主動問客人需唔需要加沙律同白飯！👍🏻