蠔站 (將軍澳中心) (已結業)

今日同班兄弟出去食飯，近近地去將軍澳中心食西餐。呢度有$10隻生蠔供應，是日生蠔係法國蠔，都幾有海水味，都幾新鮮咁啦。之後到午餐部分，我地分別叫左C、E同G餐，坦白講質素比生蠔失色。咖喱雞配白飯（$58）：我食嘅咖喱雞，似乎係三個餐最穩陣，呢個價錢又確係抵嘅。香煎龍脷柳露荀配松露薯蓉（$68）：呢個賣相都係麻麻，一般質素。香煎牛仔骨雜椒汁配薯角（$88）：聽兄弟講，牛仔骨頗韌，我就咁望落都覺得一般。午餐質素一般，但有$10隻生蠔就好抵食喇。