秋葉餐廳 (已結業)

廈門粉米 ~ 第一次食呢d炒粉麵係冇蝦 , 岩哂我本身唔食得蝦既人 , 而且炒得唔算油膩 , 不過材料相對黎講就唔豐富 , 淨係得少許蛋絲﹑芽菜﹑火腿同紅腸 , 好搞笑既廈門炒米組合 , 酸甜味道亦略為淡左d。呢間餐廳都可以話係辦公室一族開飯之選 , 因為$27包一個餐湯同熱飲 , 係同區唔係咁易搵到 , 而且食物既質素唔錯 , 試過幾次佢d午餐都幾好食 , 例如 : 白汁焗菠菜魚柳意粉﹑和風芝麻雞扒飯同荷葉蒸排骨飯 , 對於細食既OL黎講份量就岩哂 , 因為唔會好似其他茶餐廳咁大大碟。