秋葉餐廳 (已結業)

早前去北角見到呢間店所以試試~我叫左咖哩雞飯餐~餐湯叫左羅宋湯~好好飲~唔會好似出面餐廳咁多油~咖喱飯~咖哩雞特別用其他BOWL剩好有FEEL XD個咖哩真係好好味~好正宗~有小小青檸味~辣得黎好野味~雞煮得好入味好稔~但汁僅僅LOAD得曬D飯~多D汁會好D餐飲::凍奶茶~唔錯唔錯~不過風頭被咖哩飯搶曬~XD非常推薦大家去~= =++++

早前因為和同事調換食飯時間所以少到這裡進餐.今個星期趁著有兩天tea hour 時段到來再encore 雞翼沙律餐...但今次個雪柜凍過籠,令到沙律結冰添..好失望....因為最鐘意食ge紅腰豆凍到咬唔開添....eeeee....所以第日叫左個咖喱飯餐.嘩估唔到幾好食喎...難怪呢個招牌都著名左咖喱係推介之一啦!大家都去試下啦..備註:服務真係唔錯..如果餐廳環境再翻新一下更好添...

每逢遲了食LUNCH 我就大多數會選擇來呢到食沙律餐..因為佢地D沙律有我致愛GE紅腰豆多埋粟米..愈食愈鐘意呀....而且可以配4款選擇..有司華力腸,豬扒,魚柳或者雞翼...我就比較多選魚柳同埋雞翼...而且沙律份量唔算少..比起一般快餐佔好多得多...睇得出係真係有落心機去整架...好味道...但衛生程度就有待改善因為經常有好多蒼蠅飛來飛土去...好煩...而且好唔衛生嘛...

廈門粉米 ~ 第一次食呢d炒粉麵係冇蝦 , 岩哂我本身唔食得蝦既人 , 而且炒得唔算油膩 , 不過材料相對黎講就唔豐富 , 淨係得少許蛋絲﹑芽菜﹑火腿同紅腸 , 好搞笑既廈門炒米組合 , 酸甜味道亦略為淡左d。呢間餐廳都可以話係辦公室一族開飯之選 , 因為$27包一個餐湯同熱飲 , 係同區唔係咁易搵到 , 而且食物既質素唔錯 , 試過幾次佢d午餐都幾好食 , 例如 : 白汁焗菠菜魚柳意粉﹑和風芝麻雞扒飯同荷葉蒸排骨飯 , 對於細食既OL黎講份量就岩哂 , 因為唔會好似其他茶餐廳咁大大碟。

晨早起身迷迷糊糊迫巴士過海，0係巴士仲要訓著埋個頭撞左埋窗，慘了﹗未做野當然先食野﹗叫左個最簡單既腿蛋通粉加杯coffee，食物其實咁簡單都好難話好食定唔好食，不過收銀同埋落單0係門口的女收銀員真係好有禮。多謝前多謝後又介紹有咩食﹗令我即時醒神哂﹗有好既員工確係令客人滿足的首要條件呢﹗

日期：6-4-2007同男友嘆個早午餐先，芝士腸午餐肉通粉（番茄豬骨湯底）跟凍檸茶－通粉煙靭，芝士腸同午餐肉一般貸色．腸仔雞翼烏冬（番茄豬骨湯底）跟凍奶茶－唔錯，唔錯，好有心機切到ｄ腸有花紋架．overall黎講都唔錯，個湯底偏淡．地方較細，未食完，就好似趕人走咁，ｄ服務態度麻麻．埋單：HK$43

最初對呢間野印象唔錯，因為味道真係唔錯，pasta 同湯都幾好味！不過呢排佢地d 服務差左好多好多，記得初初開果陣，佢地上菜速度好快，最多等十分鐘已經有得食，但最近佢地既速度每況月下，試過等左半個鐘都無得食！大佬呀！人地得一個鐘食lunch，有半個鐘係要等食。如果大家有兩個鐘時間食lunch既話，大家不妨試下呢間野啦！

細細的店舖開張約兩個月，早餐和午餐我也來吃過。老實講，早餐份量少而質素也不高，唔多掂。反而午餐就好好多。今次我亦是來吃午餐，照例我都是要set lunch，揀了金菇肥牛炒公仔麵。先是白湯，夠熱但太多油，只是普通。金菇肥牛炒公仔麵看來幾乾身，不會太油也不太膩，金菇幾爽口，肥牛都夠淋，不錯。其實之前來過幾次食午餐，印象都唔差，今次也印證了這不是僥倖。但未知為何，早餐和午餐的級數會相差咁遠。希望佢係一時失手，下次再去時希望會有明顯改善。

上星期同個朋友行過北角0既七姊妹道,諗住搵0的野食下,行到呢間叫"秋葉餐廳"0既食肆,俾佢出面0的相吸引到,就入左去.叫左個我最常吃0既菠蘿海鮮炒飯加一個千島明蝦球.個炒飯幾好呀,係我食過較為足料0既一次,同埋個蝦球雖然唔係好大隻,但話晒都新鮮唔會霉,每人叫杯野飲埋單都係約六十幾蚊.佢仲有0的伴碟架,我地見到隔離檯叫0既野食賣相都唔錯架,估唔到一間普通0既餐廳仔(因為佢本身唔係好多座位)做出黎0既食物都會花0的心思,最緊要佢價錢好大眾化. 埋單時店員叫我地下次再去試下佢地其他推介...我地都覺得值得再幫襯0既!!