THE PONT

星期五晚約左幾個朋友去試呢間新餐廳食dinner，係即日中午先打去book，但可能新開無耐，竟然book到，開心
間餐廳門面好colourful好光猛。座位之間夠哂闊落。裝修似渡假小花園坐得幾舒服～

我地幾位美女食左好多野。另外仲叫左香港製造既啤酒🍻用蜂蜜做底，有唔同口味,本身唔太識飲酒，呢個酒精得4.5%，好岩小學雞飲，似有氣既蜜糖cider，甜味自然，幾refreshing,值得一試🫶

頭盤係香辣雞翼,  上面有d     Mayonnaise  點綴下，說好的香辣味如果再突出d更好。

三文魚薯仔蟹子沙律🥗賣相幾靚，有埋牛油果蓉蕃茄仔切片夾埋下面塊脆片一齊食，好豐富,薯仔可以再切反大粒少少😆

龍蝦汁意粉🍝有蜆同蝦蝦仲有d蕃茄仔。意粉硬度適中，蝦既肉質有彈性😬個人口味龍蝦汁可以濃反多d😌

牛腹肉。呢個份量比想像中多，估佢唔到，叫左5成熟，入面keep到粉嫩唔錯。下面有d椰菜沙律墊住配左個淡淡既薄荷汁（應該係）。可能因為係沙律，牛既調味相對簡單，唔會好油膩。

呢個燒雞菠蘿好好食😋上枱仲好熱辣辣 ，就算食到雞胸部分都唔乾柴，點埋隔離碟汁食，好惹味。🤤菠蘿應該都有輕輕燒過。好juicy，highly  recommended 

和牛漢堡配薯條🍟呢個又係好大份，味道正常但唔突出

甜品部分🤩唔記得咩名堂。面包布甸個種  。呢到既雪糕好凍同硬身 （唔鍾意好稀好快溶個種） 。好味道🤠

因為甜品係第2個胃所以就算雀仔胃😌都啪左兩個waffle，又係好好食😋waffle有質素👍🏻又係同雪糕襯埋一齊好食😋