元洲牛肉麵 (坑口村) (已結業)

今日嚟到坑口村約咗朋友食野，一入坑口村就見到呢一間牛肉麵店，諗住食下台灣嘢，點知見佢又有串燒又有雞煲幾吸引之後就入咗去食。麻辣雞煲 小辣 $128平時我哋唔係好食得辣，所以我哋今次叫咗小辣。反而我覺得小辣幾啱我哋嘅口味，不過要小心之後有可能會越食越辣。雞嘅份量都好多，雞肉都幾嫩滑。蒜蓉牛油金菇 $22呢個蒜蓉牛油金菇非常多蒜，重口味嘅人十分鐘意，下面仲有啲粉絲墊底，索哂啲蒜汁，十分惹味。蒜蓉粉絲青口 $38青口有五隻上面都係有好多蒜蓉，同樣地都係好多蒜，青口都幾大隻同新鮮，食落唔會有一陣腥臭味，幾抵食。原條茄子 $38茄子整到好淋身，然後加入好多唔同嘅香料令到茄子本身都好香口，但係有保留到水份，好食。黑毛豬肉串/羊肉串/厚切牛舌心 $18/$14/$28佢哋嘅豬肉串用西班牙黑毛豬，食落豬肉味鮮甜，羊肉唔會太騷，而牛舌心非常厚切食落非常有口感，爽口彈牙。原個椰青沙冰 $40食完咁重口味嘅串燒同雞煲之後就梗係飲番個非常清新嘅椰青沙冰清一清新下口腔，飲完又可以再食多輪。