蠔站 (將軍澳中心) (已結業)

呢一間蠔吧喺將軍澳中心已經開咗好多年，每一次經過都見到入面都高朋滿座。今次肥妹仔特登約咗朋友仔一齊嚟試下，因為呢度近排推岀一個優惠，就係可以叫$10一隻生蠔。就咁聽已經非常之吸引，一於試吓質素如何。特價fine de Claire $60雖然肥妹仔唔係生蠔達人，但係都食得岀新唔新鮮，飽唔飽滿。唔好以為$10一隻既貨色一定好差，蠔既質素真係唔錯㗎！未去到非常飽滿，但係每一粒都好creamy，微微嘅海水味，creamy得來蠔肉係新鮮彈牙，一啲都唔差。肥妹仔覺得鍾意食生蠔嘅朋友真係可以嚟試一試呢個優惠。香炸魷魚圈 $98食完生蠔呢啲cold dish，肥妹仔再叫咗一份炸魷魚圈爽下。魷魚圈新鮮彈牙，個粉漿唔厚，炸得香口，唔錯。蜜糖蒜香燒美國豬肋骨 $288肥妹仔見到隔籬枱叫咗一份豬肋骨，賣相好吸引，都唔執輸叫咗一份，果然冇令人失望。佢嘅豬肋骨肉質彈牙，一啲都唔柴，而且佢嘅燒烤醬好好食，有好香嘅蒜味，再淋上一層甜甜嘅蜜糖醬，令人哋食唔停口。黑松露意大利飯$138最後叫咗一個意大利飯收尾。黑松露味好香，意大利飯煮得偏淋，忌廉汁好香，意大利醬畫龍點睛。雖然成碟都係素，但係一啲都唔輸蝕比豬肋骨。