影片
更多
2009-05-06
16 浏览
係近1個月前後食左2次呢間霸王山莊.先同朋友再同家人其實本人麻麻地鍾意食中菜.不過朋友們鍾意坐圓枱.而屋企人又比較鍾意中菜.所以我都樂於配合.不過食評就真係個人感覺.在乎分享.好壞與否真係見人見致.雞絲粉皮:夠花生醬味.唔錯.如果無花生粒粒就更好.因為我唔太鍾意食.但份量比較少.小籠包:第1次食皮太薄.好易穿.第2次再去食.竟然又變得剛剛好.唔厚唔薄.食到包住肉汁既感覺好好多花雕醉雞:無試過.所以無意見.霸王雞:我唔太鍾意食成隻雞既野.不論白切.鹽焗定炸子.所以本身心存偏見.不過隻雞的確唔"鞋"口.而且個皮係脆既.松子桂花魚:條魚炸得夠脆口.而且唔會用得太多粉漿.配合埋醬汁.好味道!糖醋魚塊:甜甜酸酸.味道唔錯.可惜魚塊淋晒.似乎係煮得太耐之嫌.紅袖炒手:紅袖炒手唔係應該OK辣架!?呢間真係唔係wor.紅袖同炒手分開上.而個汁竟然唔算辣.反而仲甜甜地.夫妻肺片:牛肚牛根牛肺都有.覺得幾新鮮.而且辣味係慢慢滲出黎.賽螃蟹:蛋白炒得夠滑.而且幾清淡.唔會無味.亦唔會太鹹.片皮鴨(二食):唔係到到有得食.黎到點都要嗌下.不肻第2次食既份量比第1次少好多.而且皮仲多過肉.真係有少少失望.杭州炒
其實本人麻麻地鍾意食中菜.不過朋友們鍾意坐圓枱.而屋企人又比較鍾意中菜.所以我都樂於配合.不過食評就真係個人感覺.在乎分享.好壞與否真係見人見致.
雞絲粉皮:夠花生醬味.唔錯.如果無花生粒粒就更好.因為我唔太鍾意食.但份量比較少.
小籠包:第1次食皮太薄.好易穿.第2次再去食.竟然又變得剛剛好.唔厚唔薄.食到包住肉汁既感覺好好多
花雕醉雞:無試過.所以無意見.
霸王雞:我唔太鍾意食成隻雞既野.不論白切.鹽焗定炸子.所以本身心存偏見.不過隻雞的確唔"鞋"口.而且個皮係脆既.
松子桂花魚:條魚炸得夠脆口.而且唔會用得太多粉漿.配合埋醬汁.好味道!
糖醋魚塊:甜甜酸酸.味道唔錯.可惜魚塊淋晒.似乎係煮得太耐之嫌.
紅袖炒手:紅袖炒手唔係應該OK辣架!?呢間真係唔係wor.紅袖同炒手分開上.而個汁竟然唔算辣.反而仲甜甜地.
夫妻肺片:牛肚牛根牛肺都有.覺得幾新鮮.而且辣味係慢慢滲出黎.
賽螃蟹:蛋白炒得夠滑.而且幾清淡.唔會無味.亦唔會太鹹.
片皮鴨(二食):唔係到到有得食.黎到點都要嗌下.不肻第2次食既份量比第1次少好多.而且皮仲多過肉.真係有少少失望.
杭州炒年糕:年糕炒得夠煙靭.不惜.可惜配料仲多過年糕.1人分得3幾舊已經無晒
山莊炒麵:呢個我只係食左好少試下味道.印象之中好似麻麻地.而且似炒烏冬多過炒麵
金蒜干貝炒飯 + 霸王炒飯:飯類都係不過不失.但味道就偏淡.而且炒得唔夠香口.但其實嗌飯主要都係為男仕們飽肚之用
炸饅頭:等左半個鐘都未黎.追單之下話賣晒.即刻搓過比我地.有無咩搞笑!?不過黎到的確熱拿拿.好脆口.
桂花小丸子:小丸子中間包住左芝麻.幾得意.不過丸子太細粒.加上好淋身.無口感!
順帶1提.服務態度普通.不過2次都見店舖坐無虛值.見待應都有點忙亂.睇黎人手唔太夠.值得體諒.
由於5月正值母親節.推出既套餐即時變得唔抵食.而單叫菜式亦見質素及份量下跌.整頓飯變得不划算.不過整家人齊齊整整吃頓飯.值回票價;)
张贴
