尚鮮日式燒肉漁市場 (已易手) 新餐厅

早前，同女友家人食燒肉放題～ 聽同事介紹，去左銅鑼灣尚鮮，佢果度有大量日式料理刺身外，仲有浜燒海鮮，岩哂中意海鮮既我地！另外，當日先知道，原來４個人食，果度都會額外送個海鮮拼盤，成件事好抵呀！食品多款式，大概有十個類別，eg.特選燒肉類、燒烤類、尚鮮刺身、壽司、卷物、小食、嚴選炸物、冷盤熟食、酒類及單點食品,etc.海鮮拼盤：大大隻活飽魚，放到烤爐仲0係度蠕動 ~ 燒後再自行剪成片狀，味道新鮮杷亦當有口感。另外，生蠔同帆立貝都好鮮甜～刺身方面，大部分常見既刺身都有，eg. 三文魚、吞拿魚、北寄貝、甜蝦、、八爪魚、帶子，大部分都感覺新鮮，放入口非常不錯～炸物方面我地點左少少，有炸雞軟骨同天婦羅，全部都好香脆可口！燒烤類，尚鮮既燒烤類好多～　最中意安格斯牛，口感十足，仲充滿脂香，而且肉質嫩腍，值得推介！甜品竟然有movenpick，最愛朱古力味～over 整體唔錯, 下次可以再黎!