蠔站 (樂富廣場) (已結業)

$10隻蠔咁抵食，小弟當然要去試下啦。入到鋪頭，店員都好醒目，立即問小弟要幾多蠔。為免中伏，少少地叫住半打先。雖然$10隻，但賣相都相當唔錯。隻蠔好乾淨，無碎殻痴住。店員放低生蠔既時候都有簡單介紹下，如果無記錯，呢款係來自紐西蘭。食落有少少鐵銹味同海水味，幾正。最後encore多半打食。除左食蠔仲有呢個松露野菌pizza，買相好靚之餘味道仲好香添。食落口d芝士一絲絲咁痴住，松露味亦都相當香。食完pizza再食埋d沙律消滯一流。仲有呢個辣肉腸扁意粉，味道同普通肉醬意粉差唔多，不過個意粉既口感唔錯呀。埋單total唔使＄500抵食到爆阿！