聰嫂私房甜品 (已結業)

之前聽朋友講聰嫂未開咁多分店嘅時候，好多人都特登入到將軍澳嗰邊食，原來呢間分店都開咗一段時間，今日同朋友食完飯有啲早，於是就去咗呢度食糖水喇。今日好好彩唔係好洗排隊，我哋等左10分鐘左右就有得入去啦。元朗店開得比較偏僻，可能要特登搵先至會搵到。我叫咗一份芒果奶昔雙皮奶，朋友叫咗龍眼椰果冰。芒果奶昔雙皮奶個名好特別，其實我本身都唔知係點樣嘅，原來係首先面頭有芒果，然後好似有啲奶昔咁樣嘅醬喺面頭，最後下面就係普通嘅雙皮奶。首先講吓雙皮奶先，好夠滑而且都有奶香味，加埋芒果奶昔嘅感覺好特別，令到個味道多咗一個層次，好似冇咁容易食到覺得膩嘅感覺。不過呢芒果就有少少酸，可能唔係咁啱季節，又或者係咁岩呢一舊芒果比較算啦。整體來講呢一個雙皮奶以咁平嘅價錢都算係好高性價比。朋友就話龍眼冰味道好憎，唔似係用糖精開出嚟咁，好似真係食緊好多粒龍眼，下次我都要試吓先。