聰嫂私房甜品 (已結業)

聰嫂一向都係吃榴蓮甜品出名，元朗分店今日第一次食，夜晚9點幾應該係吃甜品時間，但店鋪好似比較冷清，只有三四張檯有客人坐。最吸引當然係爆珠榴蓮沙冰啦，爆珠爽脆，榴蓮味爆發，不過自己吃一碗真係有點飽，不過好滿足。核桃杏仁露就真係麻麻，第一好希，唔係糊狀，好似溝水，第二超級超級甜，好似吃了一碗砂糖，吃兩啖已經唔想吃。

炎炎～夏日，就要食糖水～～～～。龍眼冰！好好食呀！雖然應該龍眼係幾熱氣，但係龍眼冰有粒粒果肉，真材實料！唔算非常甜，仲係非常大兜！我個人就覺得啲西米同椰果係整色整水嘅... 5粒星呀唔該晒！蓮子桃膠個人黎講硬係覺得桃膠感覺有啲滑潺潺，所以......嗯。不過味道而言，都係果句，唔算好甜。蓮子好入味。美中不足，我個人覺得， 點點唔夠凍啦！4粒星！另加，我地大概10點左右入去，完全唔駛等，無食糖水嘅慣有壓力，輕輕鬆鬆講野！非常開心。

喺同事推介我來呢度食糖水嘅，點咗份龍眼冰同埋榴蓮班戟。龍眼冰好冰爽，喺椰汁味嘅冰沙，不過呢度嘅冰喺一塊一塊嘅，上邊有西米同埋椰果。但喺都畀得唔夠多，希望可以畀多少少西米，西米加冰一齊食超好味。班戟嘅皮好薄，裏邊榴蓮肉加埋cream勁香，好好食。

之前聽朋友講聰嫂未開咁多分店嘅時候，好多人都特登入到將軍澳嗰邊食，原來呢間分店都開咗一段時間，今日同朋友食完飯有啲早，於是就去咗呢度食糖水喇。今日好好彩唔係好洗排隊，我哋等左10分鐘左右就有得入去啦。元朗店開得比較偏僻，可能要特登搵先至會搵到。我叫咗一份芒果奶昔雙皮奶，朋友叫咗龍眼椰果冰。芒果奶昔雙皮奶個名好特別，其實我本身都唔知係點樣嘅，原來係首先面頭有芒果，然後好似有啲奶昔咁樣嘅醬喺面頭，最後下面就係普通嘅雙皮奶。首先講吓雙皮奶先，好夠滑而且都有奶香味，加埋芒果奶昔嘅感覺好特別，令到個味道多咗一個層次，好似冇咁容易食到覺得膩嘅感覺。不過呢芒果就有少少酸，可能唔係咁啱季節，又或者係咁岩呢一舊芒果比較算啦。整體來講呢一個雙皮奶以咁平嘅價錢都算係好高性價比。朋友就話龍眼冰味道好憎，唔似係用糖精開出嚟咁，好似真係食緊好多粒龍眼，下次我都要試吓先。

同中學同學食完飯，大家緊係想繼續傾計啦，食糖水就係最佳選擇啦！😍原來呢度係有最低消費架，最少一人一個甜品！龍眼椰汁冰👉🏾呢個應該係聰嫂嘅王牌甜品，見到差唔多台台都有叫👉🏾呢個刨冰超級重龍眼味，鍾意食龍眼嘅朋友一定唔好錯過呀士多啤梨豆腐花👉🏾酸酸甜甜，好清新嘅味道👍🏾👉🏾原來士多啤梨沙冰加豆腐花又幾夾喎🍓-榴槤雙皮奶👉🏾呢個好味喎，榴槤味超級濃👉🏾如果你鍾意食榴槤，呢個啱晒你！！👉🏾上面係榴槤沙冰，下面係雙皮奶，正！鮮雜果椰汁涼粉👉🏾呢個唔OK啊，比起其他勁失色👉🏾啲生果切到勁大嚿，打開個口都食唔到👉🏾全部生果都唔甜.....勁無奈🙄榴槤班戟👉🏾塊皮粉味好重，麻麻地👉🏾不過入面榴槤肉足夠

聰嫂甜品既分店佈滿各區，長期多人。可能因為元朗多糖水啦，競爭大，所以元朗既間經常有位！去親聰嫂，一定要點我最愛既龍眼冰。平時我好怕食冰，因為怕凍親Ｄ牙，不過龍眼冰係我唯一既例外。佢最吸引之處，就係清清地，唔太甜，而家食到陣陣龍眼既清香。甜味亦唔人工，感覺好似真係食緊粒龍眼緊。不過呢Ｄ龍眼冰有個缺點，就係唔可以食食下佢，食其他甜品，再食返龍眼冰。因為龍眼冰味道太清，一食其他甜品，味道就會蓋過晒佢！不過員工有D趕客，一食完甜品，就即刻收走我同朋友Ｄ碗，但當時其實無人等位架，店內都有空位。有時食甜品其實都係至在同朋友傾下計，如果甜品店唔係太多人食既話，希望唔好趕人走啦 >_<

一行四人來到元朗分店，龍眼椰果冰通常是首選，不過今日試點不一樣的，轉了芒果，另外再加龍眼豆腐花。朋友人就點了合桃芝麻糊和杏仁霜。轉眼間四款甜品到齊，影返一幅大合照先，說真的，不是他做得不好，而是我很怕那個杏仁霜的味道，不過友人說是不錯。我的芒果椰果冰是芒果做的沙冰，上面再加碎芒果和西米，味道都是好的，但還是覺得龍眼最好。龍眼豆腐花就十分之美妙，龍眼和豆腐花這個組合有不是甜，不過就好夾，彼此不會搶去對方的味道。最後的合桃糊和芝麻糊就很有水準，因為不會太甜，而且亦磨得很滑。

今晚食完泰菜就來了附近的甜品店食飯後甜品，朋友介紹了一間聰嫂，我地就一齊試吓，我叫了一個榴槤豆腐花，個碗榴槤豆腐花未放到桌面已經聞到榴槤香味，真的不錯一放落口裡也有很重榴槤香味，豆腐花也滑流，碗邊還有一些白色珠仔也脆脆的很特別，所以也不妨試試，我朋友叫了一個蜜瓜味豆腐花個味道也很重蜜瓜味真的食到唔停口。

自從感覺聰嫂開分店開得太多，令質素冇晒保證、插水式下降，加上售價貴到脫離現實後，就冇再幫襯過。最近趁假日入元朗，臨走時想食埋糖水，咁岩又見到喺隱閉的街尾有間聰嫂，就抱住「俾最後一次機會」的心態去食。因為本身有張9折卡，就諗住叫貴少少都得(其他喺市區既分店實在太貴，要成50幾60蚊，我只接受到頂盡40蚊食個糖水)。望下menu，發覺價錢比出面其他舖平d，頓時感到欣慰從來未試過紫薯冰，所以就叫左黎食下。一食落都幾好味，唔會太滯，又香甜，絕對推介。佢個種甜度介乎喺芒果冰同龍眼冰之間。元朗分店真係令我改觀，希望聰嫂老闆可以認真改善市區d分店，否則只會影響埋大家對其他做得好的分店個印象，令人以為間間都垃圾，到時拖垮成間公司業績生意就好無辜！

由於天氣炎熱，於是忍唔住同朋友入左黎元朗聰嫂甜品涼一涼冷氣，我們各自點了一個榴槤水晶珠和椰汁意大利涼粉。榴槤水晶珠:上面佈滿透明一粒粒既小水晶珠，水晶珠咬落去「卜」一聲爆出黎，十分過癮﹗水晶珠下面係榴槤冰，驚喜地入面係有榴槤肉，所以榴槤味都幾重，香甜.椰汁意大利涼粉: 佈滿椰奶同爽口涼粉，更重要的是涼粉唔係平時咁切成一粒粒，而係做成意粉般幼長條狀，能沾更多椰汁，入口更香濃入味﹗食完甜品個人透心涼，疲倦感都消失埋，舒服晒﹗

原來聰嫂元朗都有啦真係後知後覺添～今日入元朗探下朋友仔，順便食個糖水，雖然元朗有好多出名糖水，而且仲有一間係附近咁款，不過見到有聰嫂當然要捧下場啦～例牌係食榴槤因為真係第二度都幾難搵到真材實料再加上我真心喜歡榴槤，呢到仲要真係榴槤肉係面，唔係講笑。價錢係貴小小，不過絕對絕對值回票價，睇張相就知道榴槤肉有幾多YEAH~~~啖啖都係大滿足，聰嫂好嘢！

港式甜品之中最經典最特別嘅一定係芝麻糊，因為佢睇落黑漆漆，外表一啲都唔吸引，但就幾好食同幾有益🖤聰嫂嘅楊枝甘露都幾出名🥭但唔知佢地退步左定而家有太多比較，好似無以前咁好食🤔個芝麻合桃露都普普通通，最失望係個芒果奶昔雙皮奶，係雪櫃拎出仲未溶雪有好多冰碎，就算個雙皮奶好食都扣曬分😪仲要新年去食要加二服務費添🤯最後佢地送左封利是入面有coupon，不過應該就唔會再去食喇🤷🏿‍♀️

今在元朗跳繩嘉年華，玩過攤位遊戲，取得獎品後，本想到公園旁的甜品店來個下午茶。誰知該店在下午四點几才開鋪，但卻發現聰字頭推出廿蚊甜品優惠。一於在此下午茶。　因為日頭，店內客人不多，我倆幾乎是包場。芝麻糊　　黑芝麻，黑色入腎經，為了頭髮，加上特價廿蚊，所以試下。底糊是半透明黑色，不知道是加白米，還是加Ｘ粉勾芡。　整體口感不太滑，有黑芝麻味，但頗甜。此品牌有多家分店喎！明白的！ 註：家中有養生系列小家電，間中會自製黑芝麻糊。自己以黑芝麻溝白米來製作芝麻糊，所以家中的芝麻糊底糊是實色／灰色。不過清洗黑芝麻十分麻煩，所以只能間中才會搞這個玩意。　椰汁芒果西米露　小米想要的甜品。向職員了解，這款是没有花奶，所以放心給小米享用。　始終不大放心，於是嚐一口，真的是椰汁，還有粒粒芒果肉。難怪比芝麻糊更貴！　其實還可以優惠價十二個大洋換購外賣芒果布甸，不過回家車程路途遙遠，為求保險，無奈放棄。

元朗糖水舖都幾多間，競爭都幾激烈，排隊搵位就一定要啦，六個人都幾難搵到位食糖水。剛好經過聰嫂，唔使等好耐就到我哋啦。要試當然係要食佢嘅必食推介啦。有皇冠嗰啲就係啦。其中講吓芒果奶昔雙皮奶，我朋友就得奶香味重，跟芒果食，配搭得宜。另一個朋友叫了榴槤水晶珠，開始放上枱面，聞唔到榴槤香，朋友用匙羹筆一口，重重嘅榴槤香四散，店員講解是把新解榴槤肉打碎再雪凍，面頭上水晶珠也包含榴槤味。我就叫了個杏仁合桃露，賣相其實唔係太好，杏仁味唔太香，反而合桃味都有啲濃，不過不失。不過人手真係唔夠，得一個人寫單，收銀又係佢，忙到唔好意思問太多嘢。

今日食完晚飯,意猶未盡,決定去食個甜品先再返屋企~去左 -聰嫂私房甜品!!其實10年前..已知有聰嫂呢間野..嗰陣我住九龍東,聰嫂喺將軍澳好出名..成日都排長龍..但一直都未有機會試..今晚就試下佢~今晚唔算多人, 都未洗排隊,可以直入~裝修簡潔~ 感覺舒服~甜品嘅種類都算多~仲有6款必食推介~我地叫左其中2款來試~叫左榴槤水晶珠($45),同楊枝甘露($39),合共$84~榴槤水晶珠($45),楊枝甘露($39)榴槤水晶珠($45)面頭係榴槤蓉, 底下係榴槤味嘅雪花冰~上面仲有D水晶珠~成個甜品店都好冰凍,充滿榴槤香味!榴槤迷必食!楊枝甘露 ($39)呢個甜品好多糖水舖都有,但要整得好食都唔係易事~好多都整得好HEA,一係好稀,一係芒果唔夠甜,一係就冇咩料咁..但呢度嘅楊枝甘露真材實料!好多果肉!啖啖滿足!芒果超甜!好食!