龍悅 (新翠商場)

营业中

休息中

蒜蓉炒菜心，雖然係普普通通嘅一道炒菜，但係廚師炒得夠哂火候，濃濃嘅蒜香味加上充足嘅鑊氣，配上鮮嫩嘅炒菜心，食到阿婆不斷大讚。蒜蓉粉絲蒸扇貝，88蚊有成八隻，認真抵食，新鮮嘅扇貝上面加上粉絲，蒜蓉同埋香蔥，最後淋上豉熟油，又哪有不好吃的理由呢？清蒸海斑，海班新唔新鮮，啲肉會唔會梅一食就食得出， 所以其實係無得呃嘅，好明顯呢條魚得。餐廳特登搵啲火喺下面興住條魚，就算食到最後一啖，啲魚都仲係暖暖地嘅，真係夠哂貼心。豉汁帶子蒸豆腐，帶子豆潤咁細，豆腐鞋過豆干，呢碟餸搭嗰兩條菜心老過阿婆，衰收尾。另外侍應叔叔同嬸嬸狀甚忙碌，嗌嘢食慘過借錢。