龍門冰室 (已結業)

今晚又落左龍門食野，鍾意呢度冷氣夠，座位舒服，侍應親切有善既招呼，價錢又合理大份夾抵食！有一般常餐，鐵板餐又有，小食又有，甜品都有，都做開街坊生意，平時都咁多人黎食！今次揀左香草牛油帶子意粉，陣陣香草味加埋牛油既香味，配上煮得岩岩好大大粒帶子，口感林林地好鮮味一d都唔韌，加埋野菌一齊煮味道更加出更加唔錯，意粉口感都唔錯，唔會硬唔會淋，伴碟仲有少少沙律菜，賣相好睇之餘又有得食！ 黑松露芝士焗雜菌西蘭花，香濃黑松露遇上芝士，變成濃郁芝士汁，惹味非常，食落既雜菌同西蘭花每件都充滿芝士一齊食，味道香濃好味！ 餐飲不過不失，今次我地叫埋甜品，木槺布甸賣相已經相當吸引，雖然餅乾碎整得唔夠細，但食落好香好滑，少少甜岩岩好，估唔到呢D冰室餐廳都可以食到呢D甜品