龍門一番 上海·紫砂燉湯 (已結業)

第一次過嚟食，樣樣都好新奇。佢個茶包好有趣，俾咗幾種我哋揀。一人一個小茶壺，咁就唔洗爭飲咩茶啦，自己話晒事。我就比較鍾意飲濃茶嘅，梗係要返普洱啦！佢個茶好濃，但勝在唔苦，最啱我呢啲鍾意茶是故鄉濃嘅人，仲有一陣回甘嘅香味。班朋友本來話想食桂花魚，不過少食魚，保障自己，我就力阻o左佢哋啦！啲女人個個都話啲口水雞好辣，我心諗，請問唔辣邊度仲係口水雞呢？況且呢啲係惹味嘅酸辣，我食到連啲醬都食埋！火腿津白都好好食，啲肉汁煮到個芡汁啱啱好。肉又唔會太鹹，個菜又有啲鹹味，好似返咗去當年去上海交流是的味道。個魔鬼天使小籠包，真係好趣怪。我先食咗隻白色，啲魚子醬聞落好香。諗住慢慢咬啖啦，點知一咬，一唔留神，啲汁唧到周圍都係。慌慌忙忙拎返張紙巾抹身，早知一啖食咗佢唔好浪費啦！所以再食黑色，我就打了12分精神，好小心拍下"海膽爆出"的一剎！另外雲吞雞和另外兩個小菜都不錯，可以一食。唯一遜色少少就係個上海粗炒，個汁厚身左少少。成班約咗下星期再來，不過就應該唔會再叫上海粗炒了。