更多
2018-03-29
1805 浏览
為了慶祝求婚紀念日,我一早就book左自助餐啦。幾日前已經好期待,更急不及待上OpenRice睇下有咩推介食物終於等到啦!到步後侍應安排坐卡位,兩個人坐四人位,好闊落呀!我先環顧一周,發現有好多味食呢!有沙律吧、凍海鮮、刺身部、咖哩部、鐵板燒、即炸天婦羅、芝士桌、燒味部、即烚粉麵、中菜部、甜品區。。最正當然係即煮龍蝦!我第一時間就係拎龍蝦!每次有半隻龍蝦加一隻龍蝦鉗。隻龍蝦有成隻手掌咁大架。有三個汁可點:黑松露、明太子汁、芒果醬。不過我覺得加少少鮮檸檬汁食係最好味既最後我食左三份,哈哈!通常食自助餐我都會先食冷盤,不過今次被龍蝦吸引了⋯好啦,接住落黎就食冷盤。長腳蟹好鮮,其他就一般般啦~之後食刺身,我見有三文魚、八爪魚、連殼赤蝦、吞拿魚同希靈魚。三文魚係厚切、都幾肥美,而赤蝦係一般自助餐少見。食落好有膠質,好有鮮味,所以有encore👍🏻之後突然鼓聲響,原來有即切油甘魚,師父手起刀落,好快就切好條魚。每人可分三片,而我就要兩片夠啦,留肚食其他。油甘魚好好味,而且係厚切!好啦,輪到食熟食。這𥚃有即煎羊架、西冷排同鵝肝。我只點了後面兩樣。鵝肝油味甘香、好juicy,不錯不錯!西冷就一般水準
終於等到啦!到步後侍應安排坐卡位,兩個人坐四人位,好闊落呀!我先環顧一周,發現有好多味食呢!有沙律吧、凍海鮮、刺身部、咖哩部、鐵板燒、即炸天婦羅、芝士桌、燒味部、即烚粉麵、中菜部、甜品區。。最正當然係即煮龍蝦!我第一時間就係拎龍蝦!每次有半隻龍蝦加一隻龍蝦鉗。隻龍蝦有成隻手掌咁大架。有三個汁可點:黑松露、明太子汁、芒果醬。不過我覺得加少少鮮檸檬汁食係最好味既最後我食左三份,哈哈!
熱辣辣龍蝦
35 浏览
1 赞好
0 留言
通常食自助餐我都會先食冷盤,不過今次被龍蝦吸引了⋯好啦,接住落黎就食冷盤。長腳蟹好鮮,其他就一般般啦~
之後食刺身,我見有三文魚、八爪魚、連殼赤蝦、吞拿魚同希靈魚。三文魚係厚切、都幾肥美,而赤蝦係一般自助餐少見。食落好有膠質,好有鮮味,所以有encore👍🏻
23 浏览
0 赞好
0 留言
之後突然鼓聲響,原來有即切油甘魚,師父手起刀落,好快就切好條魚。每人可分三片,而我就要兩片夠啦,留肚食其他。油甘魚好好味,而且係厚切!
26 浏览
0 赞好
0 留言
好啦,輪到食熟食。這𥚃有即煎羊架、西冷排同鵝肝。我只點了後面兩樣。鵝肝油味甘香、好juicy,不錯不錯!西冷就一般水準,七成熟,都可一試。如果可以細塊少少就好啦。
39 浏览
0 赞好
0 留言
淮山杞子燉豬𦟌湯好甜,紅棗味好重,真係女性恩物。而且碗碗都好足料,正呀!
32 浏览
0 赞好
0 留言
炸蝦天婦羅,粟米天婦羅同焗蠔都唔錯!炸蝦係連頭一齊炸,炸得金黃,賣相好睇、味道亦不錯。第一次見自助餐有小粟米天婦羅,脆脆地,幾特別丫。原本無打算食焗蠔,因為好多時得個汁好味。。但另一半極力推介,所以就試下啦。點知真係有驚喜,個蠔好多汁,又大大粒,焗得啱啱好,唔會過乾,而且好有蠔味
44 浏览
0 赞好
0 留言
51 浏览
0 赞好
0 留言
食食下有叮叮聲,原來有剛出爐既貓山王榴連撻,真係超香超好味呀!食左兩粒!朱古力macaron 都唔錯。但其他就無咩特別啦。。
今次真係好飽好滿足,下次再有慶祝活動再黎食先!
35 浏览
0 赞好
0 留言
张贴