影片
更多
2020-07-01
97 浏览
话说前几日同女朋友食完牛肉放题火锅之后，大家都未够喉，于是我哋又去烚吓烚吓。女朋友今晚就带咗我去旺角白布街𠮶边嘅为食仔，佢上网订咗枱，一去到前台就有资料，仲比咗两个口罩套我哋添！好快店员就带咗我哋上2楼。可能今日系星期一晚，所以上层就未坐爆(下层满咗)，我哋彷佛好似包咗场咁。女朋友之前就已经嚟食过，佢话可以丧食卜卜蚬好正，点知呢日卜卜蚬暂停供应，喺热情女店员嘅推介下，我哋试咗招牌龙虾海鲜锅($298)，其实都系比起卜卜蚬锅汤底贵$100，我觉得都几合理，话晒都系龙虾㖞。落单后店员为我哋送上调味架，佢特别推介呢度嘅自家制XO酱，而我就丧落辣椒丝🌶🌶🌶。唔使几耐食物就送上，但个锅就要等阵！所以我哋一于饮住沙冰降下温先，毕竟旺角站行过嚟都唔系太近，我又流晒汗，阿姐见我咁所以都专登开大冷气俾我，服务非常好。沙冰有两个口味，分别系菠萝同柚子，两杯都系用上新鲜生果制。女友钟意菠萝多啲，但我就觉得两样都几好。哗哗哗龙虾锅终于出现啦，一打开个锅我哋已经流哂口水🤤。大大只波士顿龙虾铺面，再搭配海虾，好澎湃啊。下低就垫咗大量芹菜、椰菜同杂菌。无聊野一则就系个锅好浅身，要记得将食物浸哂入汤入面。首先我哋就梗
可能今日系星期一晚，所以上层就未坐爆(下层满咗)，我哋彷佛好似包咗场咁。女朋友之前就已经嚟食过，佢话可以丧食卜卜蚬好正，点知呢日卜卜蚬暂停供应，喺热情女店员嘅推介下，我哋试咗招牌龙虾海鲜锅($298)，其实都系比起卜卜蚬锅汤底贵$100，我觉得都几合理，话晒都系龙虾㖞。
落单后店员为我哋送上调味架，佢特别推介呢度嘅自家制XO酱，而我就丧落辣椒丝🌶🌶🌶。
唔使几耐食物就送上，但个锅就要等阵！所以我哋一于饮住沙冰降下温先，毕竟旺角站行过嚟都唔系太近，我又流晒汗，阿姐见我咁所以都专登开大冷气俾我，服务非常好。沙冰有两个口味，分别系菠萝同柚子，两杯都系用上新鲜生果制。女友钟意菠萝多啲，但我就觉得两样都几好。
招牌龙虾海鲜锅
$298
1 浏览
0 赞好
0 留言
首先我哋就梗系㗳咗只龙虾先，我几时都话龙虾系过份包装嘅食物，个壳就大，肉就唔系特别多。但除咗虾身外，其实好多隐藏位都生满肉的，要有钳帮手先拆到肉吧。
另外，海虾🦐都有成1x只，每只都挑哂肠！
滋贺县近江牛：边抓($298/细)，阿姐推介话依个位置肉味浓郁，脂肪就稍为多啲，但比较有咬口，话我地后生仔女食就冇问题啦🐮。佢讲到咁我哋就一于试吓，嚟到发现碟肉个样都几靓嘅，每片肉就比较细块，但唔算切得薄，两块一齐食就最完美。
黑松露墨鱼丸($88)，黑松露味的确好强烈，我女朋友超钟意，不过墨鱼丸如果弹牙啲会更好食。而且一粒嘅大小系平日嘅两倍，我建议可以嗌四宝丸，咁就可以试多几只口味嘛。
翠绿莴笋($29)，莴笋系我哋打边炉嘅至爱，呢度比较厚切，所以渌耐少少都仲爽口嘅。
薯粉($28)，其实食晒个锅啲嘢都已经饱饱地，之但系我哋打亲边炉都一定要食面先安乐。再加上呢度个龙虾汤底真系劲劲劲劲劲好饮，比起平日去西餐嘅龙虾汤更鲜甜😋！而且佢哋中途加汤系加龙虾汤，唔会沟淡咗。薯粉渌落去真系索晒味，劲挂汤，每条都变哂橙色，好味到喊。食埋就饱哂！
依餐龙虾锅真系令人回味，其他食物材料就属中上水平。定价少贵，不过食物质素系几好嘅，份量亦多，多人嚟食会更适合。题外话，好好招呼𠮶位女店员叫阿包，佢话下次我哋嚟请我哋饮嘢㖞🤣。
张贴
