初開張時，同朋友試過呢度嘅lunch set，性價比高，今次再帶另一位朋友嚟食dinner，食到飽飽~
龍蝦海鮮番茄鍋 $208
好耐無打邊爐，見到晚餐有呢個鍋物，即刻要試！可揀飯或烏冬，除咗半邊龍蝦外，仲有蜆、墨魚仔、蝦，同埋津白、本菇、金菇、蕃茄粒、豆腐等等…如果蕃茄湯底再濃啲就更好。
龍蝦拑嘅殼本身有拍過，算係易拆肉，店員好細心，主動提供刀叉比我哋用，加分！
自選丼飯 $138
自選四款剌身，甜蝦丶油甘魚丶三文魚丶海膽 (+$22)，當中以油甘魚比較理想
牛油果軟殻蟹卷 $88
上次喺旺角店試過呢款卷物，覺得幾好，今次試新店，都保持到水準，份量亦一樣，軟殻蟹香脆，大量木魚絲！
凍檸茶
每次嚟都想飲
