卷福和他的朋友們 (已結業)

今日同朋友黎試下, 這間係上環開左唔係好耐既湘菜館。呢到主打係小龍蝦, 有好多款唔同食法。仲有不少四川名菜, 如麻婆豆腐同水煮牛肉等, 而且菜名都好特別, 很有心思。不過朋友唔係咁食得辣, 所以無點。我地點左個干燒甜酸辣小龍蝦, 因為貪佢不用剝殼, 個汁酸酸甜甜, 好醒胃, 配上彈口既小龍蝦, 好好味, 用黎餸飯一流。呢個豆腐, 好嫩滑, 同好香雞蛋味, 配有紫菜係面, 味道好特別, 真係好好味。呢到既乾煸四季豆, 用油炸過, 皮脆脆地, 好香口, 連個肉碎都係炸過的, 鹹鹹地, 又係好好餸飯。