櫻田日本餐廳

呢間主打鐵板燒嘅日式料理都小有名氣，當日平日到訪都坐滿晒所有鐵板燒嘅位置😳 下次到訪要早啲book位request坐吧枱位先得🤣 今次試咗熊本縣A5和牛丶澳洲龍蝦御膳 ($1588/二人前)前菜沙律同日本水菜伴熊本蕃茄配柚子汁都幾新鮮，而且蕃茄擺盤好精緻，值得一讚🤙🏻牡丹蝦刺身都好大隻，食落都幾鮮甜，蝦頭生食都幾多膏，如果想熟食仲可以request炸咗佢～甘鯛立鱗燒配菠菜汁一上枱已經覺得擺盤好精緻，魚皮煎到好香脆，魚肉質地較結實，面頭有啲三文魚籽，底部就有菠菜汁，食落去味道同口感都幾得意😚
今次嘅主角就係鐵板燒澳洲龍蝦 (500克) 配黃金多士 ，龍蝦一上枱超大份😳食落去龍蝦肉爽口彈牙，而且幾鮮，加埋牛油烘過嘅芝士蒜茸夾心多士有啲似食緊lobster roll🤣 淨低嘅龍蝦肉仲可以拎去煲味噌湯，飲落去更加鮮🥰另一個主角就係熊本縣A5和牛厚燒 (120克)，食落外面香口，和牛脂香好出，勁肥美，都唔使點咬已經可以係口腔化開，私心最鍾意就係搭配蒜片食🐮
鐵板燒食到最後一定有炒飯，呢到嘅阿蘇高菜山椒魚苗炒飯好有鑊氣，炒到粒粒分明～炒野菜就正常發揮，食落都唔會好油膩～紅豆湯糰子都幾清甜，咬落去都