八〇

营业中

休息中

經過旺角女人街，有好多唔同嘅店舖，因為星期五晚人好多，見到呢個有龍蝦全日早餐，門口貼住158，覺得幾抵，於是等位。等咗大概20分鐘先入到去，發現原來加咗價，龍蝦早餐係要188，不過為咗龍蝦而來冇理由唔食。呢度環境幾好，唔會坐到好逼，即使兩人，都會畀四人座位。侍應會不斷幫你添水，服務不錯。 蕃茄味餐湯，一入口好酸，好開胃。 蕃茄濃打到爛曬，無蕃茄粒。龍蝦全日早餐龍蝦好彈牙，龍蝦鉗幫你去埋殼，食到啖啖肉。黑糖麻薯窩夫幾特別，煙煙韌韌又唔會好甜，窩夫都做到外脆內軟。薯寶都炸得好鬆脆磨菇炒得好香。唯獨是炒蛋好似有啲水汪汪，唔夠滑。加咗28蚊要oreo芝士蛋糕，十分喜歡這順滑的口感，食到芝士嘅香甜味，oreo唔會太甜，食完都唔覺得漏，想食多一嚿添，味道非常好。下次再來一定要試埋佢啲甜品啦。😋肉醬意粉比較一般，肉味都濃郁，意粉口感不算煙韌，也不太淋。如果加埋芝士就正啦。