聰嫂星級甜品 (已結業)

年三十去行花市，行完想食下甜品，然後先知原來銅鑼灣有聰嫂，於是即刻狗衝。雖然門口好多人排，但玩下電話，同人傾下計，好快就有得入。聰嫂真係好大陣榴蓮味。鐘意既會覺得佢好香，唔鐘意可能會唔想堂食。不過我個人就好鐘意既。可能年三十好多人，今次去乜野都無晒。無西米、無蜜瓜、無pancake。咁就唯有叫食開既龍眼椰果冰。好彩有，而且果然無令我失望，分店都好好食，但總覺得無總店咁大碗咁。朋友都跟我叫左龍眼椰果冰，佢都話好好食，推介！下次試下榴蓮水晶珠先，未試過，真係好想試。