龍皇酒家 (Mikiki) (已結業)

自細好鐘意跟老豆去飲茶,大個當然係𠼱住honey陪我啦..飲茶唔使去到五六星酒店,去普普通通亁乾淨淨就可以.最近先癹現龍皇嘅下午茶真係抵食夾好食.
我哋兩點幾先決定去,鬼咁多枱唔知點解..重點當然叫特價嘢.

义燒包

但义燒包就要正價,不過佢地個义燒包係幾正㗎,有堅义燒係𥚃面,饀同包比例啱啱好.

鮮蝦腸粉

而鮮蝦腸粉都幾靚仔,蝦爽口彈牙又大隻.

潮洲粉果

潮洲粉果材料足,皮又不太厚,唔錯唔錯.

小籠包

個小籠包...其實唔叫唔係損失,豬肉饀雖然都有湯汁,不過有少少豬so味..

冷盤茄子

而冷盤茄子無乜出錯,係油啲啫.

馬拉糕

可惜件馬拉糕就差啲,扁撻撻,隔離枱果件就半呎高,差咁遠,好奇怪.
最後埋單..噔噔噔..佰伍蚊咋!龍皇喎..!