11
8
14
等级4
239
0
齋食風景就可以~
2007-07-09 40 浏览
都唔明樓下果位食家,2007年6月去幫襯,但張相係2006年1月影? 今日女友家人為我預祝生日,而且聽過我朋友講過,話呢度有自助BBQ,所以我之前上網搵資料,就決定今日下午呢度試下啦!中午一行六人飲完中茶後,到街市買些少海鮮,坐車到黃金海岸商場落車。四點多到達先到樓下麥當奴涼下冷氣先,因為今日烈日當空熱到爆炸,買小食坐到五點正,就離開上去平台BBQ。我女友一早打電話訂爐,但上到去只得一對情侶,開爐燒烤中,場面都較為冷清,可能時間仲早關係啦!今日每位$68元任飲任食,但學之前食家話齋,所謂任食真係少之又少,蟹細隻到殼完全冇肉,得蟹抓蟹腳啜下味。任飲就係一渣渣溝滿冷好淡汽水,我話唔想飲汽水,反而叫佢俾冰水我都唔肯,都唔明點解過濾水喉水仲平都唔肯俾...吹脹!? 另外仲有瀨尿蝦、秋刀魚、豬、牛扒、紅腸、獅子狗、牛丸、芝士腸、雞中翼、雞全翼、茄子、椰菜、洋蔥、青椒等。醬料則只有三樣,為茄汁、黑胡椒溝幼鹽及蒜茸辣椒醬。魚、蝦、蟹得五點第一輪供應後,就只有等待到夜晚九點後先有補充,認真唔夠食及敗筆。其他肉類好似冇咩醃過咁,好淡冇任何鹹香味,但總算新鮮唔梅,好過好多地方醃得過鹹及太梅,不過要自己帶豉
更多
都唔明樓下果位食家,2007年6月去幫襯,但張相係2006年1月影? 今日女友家人為我預祝生日,而且聽過我朋友講過,話呢度有自助BBQ,所以我之前上網搵資料,就決定今日下午呢度試下啦!中午一行六人飲完中茶後,到街市買些少海鮮,坐車到黃金海岸商場落車。四點多到達先到樓下麥當奴涼下冷氣先,因為今日烈日當空熱到爆炸,買小食坐到五點正,就離開上去平台BBQ。我女友一早打電話訂爐,但上到去只得一對情侶,開爐燒烤中,場面都較為冷清,可能時間仲早關係啦!今日每位$68元任飲任食,但學之前食家話齋,所謂任食真係少之又少,蟹細隻到殼完全冇肉,得蟹抓蟹腳啜下味。任飲就係一渣渣溝滿冷好淡汽水,我話唔想飲汽水,反而叫佢俾冰水我都唔肯,都唔明點解過濾水喉水仲平都唔肯俾...吹脹!? 另外仲有瀨尿蝦、秋刀魚、豬、牛扒、紅腸、獅子狗、牛丸、芝士腸、雞中翼、雞全翼、茄子、椰菜、洋蔥、青椒等。醬料則只有三樣,為茄汁、黑胡椒溝幼鹽及蒜茸辣椒醬。魚、蝦、蟹得五點第一輪供應後,就只有等待到夜晚九點後先有補充,認真唔夠食及敗筆。其他肉類好似冇咩醃過咁,好淡冇任何鹹香味,但總算新鮮唔梅,好過好多地方醃得過鹹及太梅,不過要自己帶豉油或其他配料就好。我自己帶海蝦及花甲大蜆去燒,醬料帶海鮮豉油、新解蒜茸、野生辣椒及指天椒。另帶長柄金屬食物夾鉗、日本菜刀、錫紙及匙去。到六點我另有一對夫婦朋友到,佢兩公婆我隔離開多個爐,因為我朋友今晚要返工關係,佢急急食完到八點就離去。總括講,齋食環境確唔錯,食物就認真唔多掂,所謂海鮮數量極少又冇肉,refill可以講係完全冇。現場服務侍應最多時得兩個,又要收錢又要開爐又要擺,覺得真係做到佢嘔,所以咁多食家投訴不無道理,俾著我係佢都會做到爆粗發洩...哈。不過現場有2個金屬長柄食物鉗提供,一個提供夾炭用,及透明膠手套,呢樣都算唔錯啦!下次都會再幫襯,但一定會自己帶多海鮮,因為我係鍾意佢個景,同埋勁凍勁涼有冷氣,及好乾淨公共廁所...哈~
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
人均消费
$68