天然齋 (已結業)

如果你食厭咗齋鹵味，羅漢齋，芋頭魚呢類齋菜，呢一間相信令你改變對齋鋪嘅態度。呢度環境乾淨企理，無豪華裝修，地方又唔大，座位逼逼地。不過齋菜與別不同，有啲仲好食過葷，例如招牌叉燒包比真正豬肉做嘅叉燒包更好味，另外，我最怕猴頭菇，又無味又難食，呢度竟然化腐朽為神奇，整到津津有味，食完齋都唔知自己食過齋，真正如素者可能覺得未必啱，因為食完有啲齋菜唔齋心，但未嘗唔係停下肉食生活嘅方法，好過齋食蔬菜，水果同豆腐。