Running 燒 (已結業)

放工約埋阿女係旺角嘅Running 燒食燒肉放題，平日都幾多人等位喎🤨，好彩阿女醒目預先已卜定位，一去到已安排入座😃。我地兩個人都被安排坐四人枱，所以感覺好寬落，餐廳與時並進用QR code落單，方便又快捷，整體完全冇漏單情況，而且上餐速度都好快，值得一讚👍🏻。飲品放於凍櫃，汽水、果汁、紙包涼茶飲品等等，可以任飲。掃一掃QR code 睇睇有咩食先😋，豬、牛、雞、羊、海鮮、熟食類等等，樣樣有齊，第一round點都會樣樣叫啲啦😆。牛舌、牛仔骨、豬頸肉、雞翼、帶子，呢幾款真係必點嘅，其實佢地本身已將肉類醃好味道，所以燒完唔洗蘸點任何醬料已經好夠味道，尤其牛仔骨同雞翼，真係好好味，真心推介，帶子都好有份量，燒完都仲係大大隻，都幾新鮮；薄切西冷，輕輕燒幾下、入口即溶。再order左啲小食，中辣炸雞🍗、炸韮菜餃子🥟、炸魷魚鬚；炸雞辣得有勁度，非常惹味，外層炸至卜卜脆，好有口感，入邊又保持嫩滑；韮菜餃子大大隻，餡料十足，又係外脆內軟，好食😋。最後每人可挑選一款韓式雪條做餐後甜品，雪條質感好似雪杷咁，冰涼又好味😋。整體黎講，110分鐘任飲任食，食物質數好，新鮮又夠味，都係$278一位，性價比好高，值