影片
更多
2017-05-24
52 浏览
茶記即茶餐廳係香港特色，有啲真係粥粉麵飯湯粉麵燒臘麵包樣樣齊，包羅萬有。同屋企人經元朗西青街，見有間餐廳將餐牌掛哂出去，食物選擇好似茶記一樣包羅萬有，但賣嘅並非粥粉麵飯燒味，而係多國菜，個名仲要係叫法、意、日餐廳，兼容百川咁把炮，一於入去食翻餐。睇完餐牌，其實你就會知道餐廳菜式何止意法日咁少，重有德國、台灣、香港、韓國同印巴式，呢個老闆如果已前曾經係船長，就真係旅遊閱歷豐富多彩喇，如果唔係點識咁多國家菜式呢。餐廳叫船長，裝修梗係要配合到好似架船咁啦，四周圍都掛滿哂船舵、水泡同一啲魚圖，貼合哂餐廳主題。叫左好多野，逐樣影，逐樣講。先來嘅特飲，粉紅色係紫貝天葵白桃，藍色係藍色海洋白桃，紫色係藍牒花白桃，單點杯杯HK$28，跟餐就HK$14一杯。顏色無得彈，味道唔錯，不過試過三杯都好似只得一種味道，就係桃味。胡麻豆腐沙律跟餐HK$18日本代表，正宗胡麻日式醬汁，蔬菜同豆付份量不少，而且新鮮，只賣HK$18抵食，呢個味道係真正地道日式。大面吉列豬朳仙台拉麵HK$49呢個麵底麵底相當一般，零日本風格，塊豬排外脆內鬆冇乜疏打味，碗野咁平，其實塊朳算做得唔錯。蜜燒葡萄柚子雞翼HK$28葡萄柚子蜜即西
睇完餐牌，其實你就會知道餐廳菜式何止意法日咁少，重有德國、台灣、香港、韓國同印巴式，呢個老闆如果已前曾經係船長，就真係旅遊閱歷豐富多彩喇，如果唔係點識咁多國家菜式呢。
餐廳叫船長，裝修梗係要配合到好似架船咁啦，四周圍都掛滿哂船舵、水泡同一啲魚圖，貼合哂餐廳主題。
叫左好多野，逐樣影，逐樣講。
先來嘅特飲，粉紅色係紫貝天葵白桃，藍色係藍色海洋白桃，紫色係藍牒花白桃，單點杯杯HK$28，跟餐就HK$14一杯。顏色無得彈，味道唔錯，不過試過三杯都好似只得一種味道，就係桃味。
胡麻豆腐沙律跟餐HK$18
日本代表，正宗胡麻日式醬汁，蔬菜同豆付份量不少，而且新鮮，只賣HK$18抵食，呢個味道係真正地道日式。
大面吉列豬朳仙台拉麵HK$49
呢個麵底麵底相當一般，零日本風格，塊豬排外脆內鬆冇乜疏打味，碗野咁平，其實塊朳算做得唔錯。
蜜燒葡萄柚子雞翼HK$28
葡萄柚子蜜即西柚蜜，好香甜，雞翼脆皮而充滿肉汁。
船長海鮮茄茸燴天使麵HK$85
意國代表，海鮮甚多，而且新鮮，大蝦相當彈牙，超新鮮，天使麵焾左些少。
維也納煙燻蛇形腸HK$48
德國代表，啲酸菜味道好正宗，同德國餐廳食嘅味道一樣樣，腸味道都係，不過外型大少就差得遠，細左好多。
法式烤蒜茸包HK$12
法國代表，呢樣係我喺餐牌裏面我唯一揾倒嘅法國菜，喺意法日餐廳，點可以唔點翻樣法菜先，佢亦冇令我失望，香脆可口。
白酒汁煮珍珠蜆HK$ 33
蜆肉好滑，白酒汁畧嫌稀左些少，配上面個法式蒜茸包食一流。
水手煲仔咖喱牛筋腩加印度飛餅 HK$55
呢味係今日最好食嘅野，個咖喱超級惹味，香料味道好重，牛腩入味焾滑。個飛餅就麻麻地喇，死實實咁，冇啲鬆化。
老實講句，無預呢間餐廳會出一啲正宗到不得了嘅外國菜，只要整得味道好，正唔正宗係其次，呢度叫左頭先咁多野飲野食埋單先講係HK$370，有呢個質素算好靠得住喇。
张贴
