西貢海灣會燒烤大王

天氣凍凍地最啱打邊爐，又或者BBQ。今日一班朋友齊齊去了西貢玩燒烤。燒烤場地遠離西貢海鮮街，由海濱長廊直走，去到沙灘那邊，容易方便。只要在門口位置付款後，便會派發餐具，專人帶位。環境非常舒適，從容不迫。採用炭火，有職員幫忙開爐，客人只要適當加炭，方便之極。燒烤食物擺放整齊，另人食得放心。食物有雞翼，牛扒，豬扒，魷魚，魚，各種丸類，腸類，菜蔬，蕃薯，麵包......基本上簡簡單單的一定有。飲品有果汁，汽水。醃製過的食物味道不錯，不會太鹹，恰到好處。價錢方面可算合理，不用自己做，輕輕鬆鬆，食完就走得，最好不過。