肚餓了串燒烤焗專門店 (已結業)

肚餓了系一間幾高質既串燒店，除左一般既日式串燒之外，仲有不同既燒海鮮、豬、牛、雞，以及焗飯等等，飲品方面仲有本地手工啤酒。秘製汁燒鮑魚 (88/2pcs) – 鮑魚質感夠曬爽彈，但又唔會韌，熟度岩岩好。醬料夠曬入味，又甜又鮮!蒜蓉燒原條茄子 (49) – 超大條茄子，落左大量蒜蓉開邊燒，仲加左d日式燒汁，所以有蒜香得黎，仲多份香甜，好惹味! 如果連皮食都幾飽。川式爽彈火雞腎 (32) – 共有五件，唔算太大粒，幾爽口彈牙，而且無燒乾水，幾有肉汁。雖然話系川式，但只屬微辣，食唔到辣既人都岩。芝燒15cm虎蝦 (59) - 蠔焗得都幾靚同幾香，但我無食，都系for朋友既。而虎蝦大大隻好厚肉，開邊用芝士燒，又香又惹味。冬陰公汁芝士牛舌焗飯 (129) – 牛舌切得好厚好大件，都幾爽嫩，有超過十件，眷當抵食。味道系幾重冬陰公味，但就偏辣。其實仲有秘製汁揀，之前都食過，味道更好，所以都會推介後者。華元堂涼茶 (18) –食甘多串燒，點都想飲返罐，心理上都冇甘有罪惡感。華元堂既味有少少似王老吉，但冇甘甜，加左d中藥既甘香味。