鼎王麻辣鍋 (金巴利道) (已結業)

之前成日經過尖沙咀都見到鼎王，今次終於都入去食啦。最特別既感覺係個鍋，外型好古典又好似成日鐘鼎咁，好特別呀。但係火鍋就唔係放題，所以要逐碟嗌啦，價錢就適中啦，好似碟牛肉咁都要$200幾元架。如果想平DD又想乜都食下，都可以選擇嗌半份既。食物款式多，海鮮（魚、蝦、魷魚等），肉（豚、牛、羊、雞等），其餘仲有鴨血、毛肚、黑柏葉、魚滑、水餃。總括而言唔錯啦！