鼎王麻辣鍋 (金巴利道) (已結業)

終於嚟食鼎王麻辣鍋，去親台灣旅行都必去嘅火鍋店，依家香港都有得食🔸鼎王麻辣鍋 x 酸菜白肉鍋麻辣鍋有小、中、大、特調4個辣度，而酸菜白肉鍋亦可以有小、中、大3個酸度，可因應個人口味選擇鼎王嘅鴨血係必食，由台灣直送，口感滑溜溜，每件都非常厚！豆腐索滿麻辣湯，味道非常惹味！而酸菜白肉鍋嘅酸菜切成幼條狀，食落非常開胃。仲有另一賣點就係鴨血、豆腐、酸菜同白肉，店員都會主動免費添加，包保食到飽！🔸招牌手工三色滑有齊蝦滑、蟹滑、瑤柱滑！瑤柱滑入面真係有瑤柱絲，好足料！蝦滑入面有唔少蝦肉，好彈牙！而蟹滑囗感綿密細膩，幾鮮味🔸濃香豆皮有別於響鈴，要煮3分鐘左右先食，腍腍地又入味又有豆味，豆皮索晒湯汁，好惹味🔸豬骨濃汁貢丸 口感軟硬適中，口味層次豐富，多汁彈牙，豬骨濃湯味突出🔸梅花豬肉拼去骨雞髀肉兩款肉質都好鮮嫩，豬肉味道濃郁有口感，雞髀肉可以啖啖肉咁食🔸玫瑰蜜桃果茶香甜蜜桃配上淡淡玫瑰幽香，酸中帶甜，味道清新解辣