影片
更多
2020-12-07
190 浏览
終於到星期六！咁就梗係要出去行下街，今日約左朋友去左荃灣嗰邊行街街，行行下喺海之戀商場發現左鼎爺系列既新餐廳 —鼎家喜筷～ 之前喺中環試過中高檔線既鼎會館 今次我就同朋友提議試下呢間！ 喺門口望左望，感覺呢間係主打年輕中檔路線裝修好young，用左木系加全白色主打，入面亦都好多打卡位，感覺係想吸埋後生啲既食客～ 另外餐廳右邊仲有飲品同雪糕站，感覺真係好唔係平時一般既燒味餐廳！再睇睇餐牌，雖然主打都係燒味，但當中你會feel到佢係滲左啲fusion 既元素，感覺係有小驚喜～因為本身我唔係太好好傳統嗰類燒味既人，所以我係接受到佢有啲同平時唔同既嗰種另類～咁黎到點都係要試下燒味飯既～溫泉蛋四寶飯：鼎爺招牌燒鵝，燒鵝皮脆肉嫩，肉汁香濃，肉質結實。再來就是香甜蜜汁令其更為邪惡的叉燒，肥瘦比例適中，口感軟稔。仲有外皮香脆無比嘅燒肉，加埋飯上嘅溫泉蛋，蛋汁混埋飯中，令到味道更為豐富。跟住我既蒜香麻辣手撕雞撈麵蒜味超濃，麻辣味十足，有種食緊麻辣火鍋嘅感覺，而佢哋嘅麵亦有做足功夫過哂冷水，所以令到麵條非常彈牙兼爽口。我地再叫左呢個夾膜雙拼用上皇牌燒鵝同蜜汁叉燒兩款燒味所做嘅餡，燒鵝就油香味美，叉燒就甜蜜
喺門口望左望，感覺呢間係主打年輕中檔路線
裝修好young，用左木系加全白色主打，入面亦都好多打卡位，感覺係想吸埋後生啲既食客～
另外餐廳右邊仲有飲品同雪糕站，感覺真係好唔係平時一般既燒味餐廳！
再睇睇餐牌，雖然主打都係燒味，但當中你會feel到佢係滲左啲fusion 既元素，感覺係有小驚喜～因為本身我唔係太好好傳統嗰類燒味既人，所以我係接受到佢有啲同平時唔同既嗰種另類～
咁黎到點都係要試下燒味飯既～
溫泉蛋四寶飯：鼎爺招牌燒鵝，燒鵝皮脆肉嫩，肉汁香濃，肉質結實。再來就是香甜蜜汁令其更為邪惡的叉燒，肥瘦比例適中，口感軟稔。仲有外皮香脆無比嘅燒肉，加埋飯上嘅溫泉蛋，蛋汁混埋飯中，令到味道更為豐富。
跟住我既蒜香麻辣手撕雞撈麵
蒜味超濃，麻辣味十足，有種食緊麻辣火鍋嘅感覺，而佢哋嘅麵亦有做足功夫過哂冷水，所以令到麵條非常彈牙兼爽口。
我地再叫左呢個夾膜雙拼
用上皇牌燒鵝同蜜汁叉燒兩款燒味所做嘅餡，燒鵝就油香味美，叉燒就甜蜜味美，風味味道都各有不同。
鵪鶉蛋燒賣：燒賣大小適中，肉汁豐富，蛋味濃郁，兩樣一齊食嘅話，味道同口感都非常不錯。
個main 係包埋個沙律，佢無用平時既沙律醬，而係轉用海鮮醬，有年可能覺得好怪，但我又覺得個味意外地夾啵@@!
至於野飲，呢度係有啲特色飲品供應
芝麻咖啡：黑芝麻味濃，咖啡香氣撲鼻，甜味適中。
蝶豆花檸檬薄荷茶：顏色亮麗，薄荷味十足，帶有檸檬嘅酸味，可在杯中自行加入適量嘅黑糖作調味，令味道更適合自己。
最後，我忍唔住再去雪糕站試埋鼎爺5.0北海道牛奶雪糕hahaha!!! 呢度嘅雪糕有杯裝或用雪糕筒裝，雪糕奶香味濃，口感滑嫩，你睇個杯仲有鼎爺個樣好cute cute !!!!!
张贴
