影片
更多
2021-12-31
44 浏览
見到門口嘅卡通logo就即刻知道鼎家喜筷係邊個開啦！呢間鼎家喜筷係鼎爺開嘅茶餐廳，走新派茶餐廳路線，價錢比私房菜貼地得多，晚市套餐最平$62已有交易！全店都見到鼎爺嘅Q版頭像，多咗一份鬼馬活潑嘅感覺。食物款式好多元化，雖然主打燒味，但一樣有燉湯，意粉，點心及西式甜品供應，甚至有水果茶及奶蓋！火焰黑豚腩叉燒($168)將叉燒燒至滋滋作響，視覺效果十足！由於黑豚腩位油分豐腴，所以燒一陣間已經有燶邊效果。叉燒麻辣蒜香涼伴手撕貴妃雞撈丁 ($80)好耐冇食過撈丁啦，呢晚大家都想放肆吓，點知上菜時，發現撈丁真係好邪惡呀，因為份量非常慷慨！撈丁由於係涼拌，所以麵條食落都幾爽口，麵條充滿麻辣蒜香，辣辣地好惹味。手撕雞用貴妃雞，口感嫩滑唔鞋口，加埋青瓜絲、蘿蔔絲同沙葛絲，賣相及口感更加豐富。開頭仲擔心咁大碟我哋兩個女仔會食唔晒，點知我哋食食下又忍唔住再添，結果...清碟無難度！燒味夾饃雙拼($56)兩份夾饃分別包住燒鵝同叉燒，夾饃雖然擺咗一段時間先食，但仍然軟熟。我試咗包燒鵝嗰款，燒鵝皮脆肉嫩，同夾饃一齊食有食片皮鴨嘅感覺。鼎家點心拼盤($95)估唔到燒味店都有甜心食！點心拼盤以蒸籠上，有黑松露燒賣，
呢間鼎家喜筷係鼎爺開嘅茶餐廳，走新派茶餐廳路線，價錢比私房菜貼地得多，晚市套餐最平$62已有交易！
全店都見到鼎爺嘅Q版頭像，多咗一份鬼馬活潑嘅感覺。食物款式好多元化，雖然主打燒味，但一樣有燉湯，意粉，點心及西式甜品供應，甚至有水果茶及奶蓋！
火焰黑豚腩叉燒($168)
將叉燒燒至滋滋作響，視覺效果十足！由於黑豚腩位油分豐腴，所以燒一陣間已經有燶邊效果。叉燒
麻辣蒜香涼伴手撕貴妃雞撈丁 ($80)
好耐冇食過撈丁啦，呢晚大家都想放肆吓，點知上菜時，發現撈丁真係好邪惡呀，因為份量非常慷慨！撈丁由於係涼拌，所以麵條食落都幾爽口，麵條充滿麻辣蒜香，辣辣地好惹味。手撕雞用貴妃雞，口感嫩滑唔鞋口，加埋青瓜絲、蘿蔔絲同沙葛絲，賣相及口感更加豐富。開頭仲擔心咁大碟我哋兩個女仔會食唔晒，點知我哋食食下又忍唔住再添，結果...清碟無難度！
燒味夾饃雙拼($56)
兩份夾饃分別包住燒鵝同叉燒，夾饃雖然擺咗一段時間先食，但仍然軟熟。我試咗包燒鵝嗰款，燒鵝皮脆肉嫩，同夾饃一齊食有食片皮鴨嘅感覺。
鼎家點心拼盤($95)
估唔到燒味店都有甜心食！點心拼盤以蒸籠上，有黑松露燒賣，蝦餃及菜苗餃。蝦餃最有驚喜，外皮晶瑩透薄，蝦肉新鮮彈牙，餡料飽滿，好滿足！
水果茶($28)
水果茶以玻璃茶壺盛載，而且有蠟燭保持溫度，非常貼心。水果茶調味唔錯，果香甚濃，飲得出真材實料。
西洋菜陳腎無花果湯($68)
好友話好耐無飲過住家湯，點咗一盅西洋菜陳腎無花果湯試下。味道頗有住家嘅感覺，調味剛好，我鍾意呢度嘅湯水全部都無添加味精，飲完唔會口渴！
张贴
