🔷紹興酒醉雞 $84
醉雞勁入味，酒味都幾濃，雞亦都好滑，前菜嚟講算高質。
🔷小籠包 $7/6隻
食上海野點會唔叫小籠包😋皮薄餡靚，夾起上嚟唔會穿，點啲醋食，肉汁豐富又唔會太熱，正😋
🔷黃金流沙包 $48/3個
流心奶黃包，正常野，但每次都會叫
🔷酸甜川子雞 $128
川子雞有驚喜🤩佢唔會太辣，酸酸甜甜幾好食😋
🔷台式擔擔撈麵 $60
呢個擔擔麵唔係湯麵，適合我哋呢啲唔係好飲湯嘅人，佢個麵好彈牙，麻辣再加埋啲芝麻醬，超好食🤤我哋叫咗兩碗先夠。
🔷炸豬排蛋炒飯 $94
呢個炸豬扒炒飯又係每次嚟都會叫，炸豬扒炸得啱啱好，唔會太油，又厚切🤩蛋炒飯就粒粒分明，正🥰
