利寶閣 (已結業)

喺大角咀要搵間企理食中式野就唔算易，今晚又唔想打邊爐，所以揀左利寶閣。地方幾大，枱櫈又夠闊落，而且晚市唔多人，坐得舒服。同埋3個朋友點左啲小菜、套餐，價錢就唔貴，食得幾飽添小菜方面點左一位黯然叉燒煎蛋飯加一客佛跳牆，叉燒燒得勁香，而且食落冇肥膩感。仲要好彩係半肥瘦，軟硬適中。蜜汁咁燒又會香甜，加少少豉油，正。佛跳牆足料，飲到好滿足。之後點左欖角骨，都幾特別，出面比較少見，個樣有D似生炒骨，加左蜜糖整，個皮好鬆化，又甜甜地，非常好食。仲有宮保蝦球，辣度唔高，配腰果、西芹咁。蝦球超大粒，彈牙，都係送飯野。幾個都鐘意食菜，就點左什菜煲，啖湯幾濃郁，裡面有蝦米、粉絲，幾香。食到尾店員就送上是日甜品，係十勝紅豆糕，原粒紅豆加入去，好有咬口，椰汁糕軟滑清甜，當飯後甜品，都唔錯。呢度位置幾方便，唔算多人，我地食完飯吹下水，都唔趕唔盛，唔錯wo。