文記車仔麵 (福榮街)

营业中

休息中

同老媽子出九龍做d野，問家姐深水埗有咩推薦，佢就介紹左文記車仔麵，12點左右去到已經有人排隊，好在唔算多。車仔麵聽就聽得多，食就無乜機會，住果頭附近都無車仔麵檔。過黎食既就一定要叫車仔麵必食既蘿蔔啦！仲有家姐強烈推薦既瑞士汁。等左一陣到啦！！！睇落個畫面都好震撼啊！咁既價錢叫花膠仲以為得幾片仔，點知咁大塊又勁有咬口，雞翼大大隻炆到入哂味，蘿蔔好甜唔會太淋好爽口，吸埋甜甜地既瑞士汁真係好正😍😍😍你見張相足料到見唔到麵咁制，但麵既份量絕唔偷工減料，保證食得飽。最最最重要係呢碗麵既性價比好高！！！打打下呢篇食評又掛住想食啦🤤