影片
更多
2007-05-07
28 浏览
4 May 2007 (Fri) - Birthday Dinner (15)本來同友人係想食中東嘢，點知因冇book位而要去第二度食，行行下黎咗呢度門口，見個餐牌啲嘢食都OK，入面地方又幾好氣氛咁，不過就唔多似尼泊爾嘢，似西餐廳多啲，但見冇乜人，即管入去試下！我哋叫咗一個羊肉沙律，一個芝士菠菜，一個超辣咖喱雞，同一客plain nann！落order時，由於我哋叫咗個super spicy 既咖喱雞，個waiter眼都突咁remind我哋係very super hot & spicy，但友人係好鍾意食辣既，而我都OK，所以相信應該會頂得順，所以同佢講，係呀，我哋就係要呢個，我估因為非常少人order呢個，所以佢特別提醒我哋！一黎就比咗啲前菜我哋，係烤餅，仲有兩個醬，一個綠色同一個紅色既辣醬，兩個都幾辣下！羊肉沙律：根本係羊肉多過菜，我哋以為會係一個以菜為主既沙律，但睇黎一啲都唔係，不過羊肉整得好淋，唔酥，我覺得好啱食，因為我一向麻麻食羊肉，怕酥嘛！呢個真係幾唔錯，加埋啲少少酸辣既伴菜同汁，絕對係好味之選！而且呢個所謂既頭盆都真係幾飽下，因為肉多既關係！超辣咖喱雞：雞肉只有四舊，我同友
本來同友人係想食中東嘢，點知因冇book位而要去第二度食，行行下黎咗呢度門口，見個餐牌啲嘢食都OK，入面地方又幾好氣氛咁，不過就唔多似尼泊爾嘢，似西餐廳多啲，但見冇乜人，即管入去試下！
我哋叫咗一個羊肉沙律，一個芝士菠菜，一個超辣咖喱雞，同一客plain nann！落order時，由於我哋叫咗個super spicy 既咖喱雞，個waiter眼都突咁remind我哋係very super hot & spicy，但友人係好鍾意食辣既，而我都OK，所以相信應該會頂得順，所以同佢講，係呀，我哋就係要呢個，我估因為非常少人order呢個，所以佢特別提醒我哋！
一黎就比咗啲前菜我哋，係烤餅，仲有兩個醬，一個綠色同一個紅色既辣醬，兩個都幾辣下！
羊肉沙律：根本係羊肉多過菜，我哋以為會係一個以菜為主既沙律，但睇黎一啲都唔係，不過羊肉整得好淋，唔酥，我覺得好啱食，因為我一向麻麻食羊肉，怕酥嘛！呢個真係幾唔錯，加埋啲少少酸辣既伴菜同汁，絕對係好味之選！而且呢個所謂既頭盆都真係幾飽下，因為肉多既關係！
超辣咖喱雞：雞肉只有四舊，我同友人一人兩舊就食完！初食時都真係好驚佢辣到入唔到口，所以叫友人試先，佢話辣既程度係可以接受，咁我先至夠膽畢一舊試下，好在雖然係辣，但係只要一邊食nann bread，一邊食芝士菠菜同一邊飲水咁食，我都頂得順；但係友人係一次過食晒啲雞先食nann bread 同菜，因為佢話一次過辣晒先，再食淡味既嘢可以中和返，佢有佢道理！呢個咖喱雞之所以係超辣，係因為佢個汁根本上係充滿住好多好多既椒籽，真係睇個樣都知辣！
芝士菠菜：真係麻麻地，味道淡，當然係因為我哋叫既雞太辣之固，但係佢既芝士原來唔係嗰種一塊塊既芝士再溶咗佢，而係好似semi-hard cheese嗰種，但係味道一啲都唔好食，而且芝士多過菜．．． 原本特登叫個菜，係希望可以食多啲菜，點知沙律又無乜菜，呢個菜又冇乜菜，好失望！
喺我哋食晒嘢諗住傾下偈時，確實見到佢都幾full，有人開始等位，但係我都未打算走架，咪叫佢比個dessert menu 我哋睇下，睇完又無乜嘢想食，所以都係算數，佢收咗我個menu之後，居然自己攞張單比我埋，我都未叫埋單，友人仲去緊厠所，我自己都未去．．．最後就係我都唔去厠所就埋單走，因為我最唔鍾意人趕客走．．．唉！雖然食物係唔錯，但係咁樣既服務態度，我確實唔會介紹比人去！
张贴