影片
更多
2010-02-25
11月18日, 黎到旺角, 一早揀定咗黎食担担麵, 因為我地想食一d湯麵, 呢間都好似幾出名咁, 入到去人都幾多, 應該會好食卦~::: 五香牛肉担担麵 ::: $25五香牛肉係牛腩黎嘅, 有少少韌, 味道只能夠說是普通… 份量都幾多所以趙到口都有d攰… 担担麵要辣, 但係辣味唔夠香, 唯一可讚係d拉麵易入口, 煙煙韌韌有豐富蛋味~ 但係整體真係普通又唔特別.::: 排骨担担麵 ::: $25哈~ 佢落錯咗單, 漏咗塊排骨 (即係豬扒)! 好彩催完佢都好快上番~ 不過呢塊遲來的豬扒卻無甚特別, 因為唔熱, 好似一早整定咁的. 而且切得厚身, 但又太乾, 肉唔嫩, 味道只有外在嘅少少甜味, 內裡係偏淡. 担担湯底望落好濃, 但其實一般, 亦無花生香. 唯一ok係d拉麵真係幾煙韌, 麵粉味好香~食完真係冇乜野可以留下回憶, 牛腩普通, 排骨不好, 湯底不濃. 樣樣只屬平庸, 真枉為一間北京拉麵店… 唯一記得係要收加一, 收錢嘅時候都嚇咗, 冇乜service, 單又落錯, 座位又迫, 唔通加一就係為咗2杯茶?
::: 五香牛肉担担麵 ::: $25
五香牛肉係牛腩黎嘅, 有少少韌, 味道只能夠說是普通… 份量都幾多所以趙到口都有d攰… 担担麵要辣, 但係辣味唔夠香, 唯一可讚係d拉麵易入口, 煙煙韌韌有豐富蛋味~ 但係整體真係普通又唔特別.
::: 排骨担担麵 ::: $25
哈~ 佢落錯咗單, 漏咗塊排骨 (即係豬扒)! 好彩催完佢都好快上番~ 不過呢塊遲來的豬扒卻無甚特別, 因為唔熱, 好似一早整定咁的. 而且切得厚身, 但又太乾, 肉唔嫩, 味道只有外在嘅少少甜味, 內裡係偏淡. 担担湯底望落好濃, 但其實一般, 亦無花生香. 唯一ok係d拉麵真係幾煙韌, 麵粉味好香~
食完真係冇乜野可以留下回憶, 牛腩普通, 排骨不好, 湯底不濃. 樣樣只屬平庸, 真枉為一間北京拉麵店… 唯一記得係要收加一, 收錢嘅時候都嚇咗, 冇乜service, 單又落錯, 座位又迫, 唔通加一就係為咗2杯茶?
张贴
