海南少爺 (已結業)

本人甚少寫食評﹐少到個openrice account password 都唔記得左﹐要重設... 要我寫食評﹐徐非間餐廳令到我好嬲﹐今次“海南少爺”做到了。廢話少講。一個平日嘅星期四晚去海港城反斗城行街行到8點﹐揾食﹐聽唔知邊個講過“海南少爺”D 嘢好好食﹐明知要等位都試吓﹐點知﹐出事。先講等位﹐等左40分鐘﹐OK唔過份﹐過份在大部份時間都有幾張吉檯﹐無人執﹐無人嗌號碼﹐D伙記唔知自己做緊乜﹐如果唔係我最少等少15分鐘....好﹐終於坐低﹐MENU好少嘢食﹐個人不嬲鍾意貴精不貴多﹐所以覺得D嘢食會OK﹐加上D相影得幾靚﹐期待中!海南雞飯一到﹐雞還雞﹐皮還皮﹐擺位唔靚﹐好似廚餘斬埋一碟﹐果然好似MENU所講﹐圖片只供參考.... 最搞笑係個湯﹐絕對有理由懷疑湯底係金寶罐頭忌廉雞湯!!!清湯牛坑腩﹐最呃錢。其實都係自己衰﹐通行都知﹐牛坑腩一向貨源有限﹐一係就要預訂﹐一係就限量發售﹐售完即至。佢兩樣都無寫到﹐應該都估到唔係咩好野﹐但正如頭先所講﹐見佢MENU D 嘢唔多﹐好能真係有驚喜呢﹖點知一嚟到夾起一舊﹐眼都突埋﹐呢D係坑腩﹖真係當我細路仔唔識嘢。擺明係最cheap嘅牛腩﹐一D肥都無