金東大小廚 (已結業)

星期日就開學喇, 今晚放工要去筲箕灣報名, 坐巴士過去, 報完名, 再坐叮叮去東大街搵食...之前次次路過金東大都見佢座無虛席, 想試佢的煲仔飯好耐, 但每次天氣都唔凍, 唯有打消念頭... 今日攝氏十幾度, 啱食啦~~~你地睇, 幾多人...煲仔飯係對面街的鋪位煮... 陣容嚇人... 煮好就搵人搬過來隔壁的金東大粉麵... 再通過小窗口遞入金東大小廚...我地被安排坐係餐廳入口, 好驚Honey會被猛力開門的客人拍扁... 座位一眼睇晒, 好迫... 牆上貼了懷舊海報...可透過窗口望到對面街煮煲仔飯...腸胃本已不適, 不敢吃太多, 只叫了1個煲仔飯和1個小吃...椒鹽豆腐粒 $78-- 嘩!!! 咁大碟?!! 點食得晒... 仲要咁鹹... 熱辣辣, 表皮脆就幾脆, 奇怪係唔香嘅... 食咗3份1已經唔想再食...車... 原來個底係炸米粉, 嚇死...三拼煲仔飯 $78-- 職員無問我地就狂倒咗1湯碗豉油入煲內, 圍住煲邊落, 無煙走出來, 亦無香味走出來... 職員叫我地焗一陣先開蓋, 蓋咗幾分鐘, 開...... 蓋......材料有潤腸, 油鴨, 排骨... 潤腸得半條