老虎堂黑糖專売 (渣甸街)

营业中

休息中

人人都要排隊，你估我M佬真係想排隊咩。但A姐見到班姊妹日日都放銅鑼灣老虎堂嘅珍奶上Facebook厄like，佢日日都話想試，終於見今日少咗人幫襯，我決定做廿四孝陪佢排隊，結果排咗20分鐘，終於見到家鄉喇。結果總結係超甜！波霸厚鮮奶外觀真係好靚，影相真係唔錯。影完之後，就記得要上下搖勻，講真啲珍珠係軟綿綿又有咬口，但真係好甜！好甜！好甜！而老虎堂嘅飲品為咗保障飲品質素，所以無得少甜少冰。結果真係甜到我飲唔到第二啖。虎虎生風厚鮮奶虎虎生風厚鮮奶同波霸厚鮮奶一樣都係黑糖鮮奶，只係波霸厚鮮奶係超大size珍珠，而虎虎生威就係有大有細，但都係好甜！好甜！好甜！所以真係無下次喇。