影片
更多
2020-02-08
5958 浏览
Lunch 同同事食好啲 ! 上網見到呢間火鍋店嘅午市任食套餐性價比幾高 , 而且即日 book 位都 book 到 😏😏 , 就決定黎試下 ! 我哋 12:55 pm 嚟到 , 一開𨋢門 , 𨋢口位置好細好迫已經有幾位客人企喺度等緊 , 我哋入去店舖查詢入座 , 點知一行入去 , 店員就好冇禮貌咁話 : 我哋 1 點先開始喎 , 有冇訂位㗎 ? 你做乜入嚟呀 ? 我地 O 咗嘴 😤😤 , 跟住就行返出去 , 係𨋢口同其他人繼績迫 , 之後有唔少食客上到嚟 , 大家都企喺𨋢口 , 又焗又迫 🥵🥵🥵店員 1 點正準時安排入座 , 冇乜禮貌而且反應緩慢 👎👎👎餐牌 :午市套餐 $68 包 1 碟肥牛 , 任食火鍋 , 甜品 , 飲品自助區 , $98 就係任食肥牛 + 自助區 , 我哋揀咗 $98 湯底都幾多選擇 , 6 個人可以揀 2 個鍋 , 我地揀咗 "人參雞鍋" 同埋 "壽喜鍋" 落完單 , 即刻去自助區攞嘢食 ! 店舖唔算好大 , 自助區好逼 , 排完隊之後根本冇位行 🥺🥺熟食區只有 2 個食物夾 , 後來職員先放返每款食物一隻大匙羹 , 準備不足 , 安排混亂 😰熟食有炸燒賣
已經有幾位客人企喺度等緊 , 我哋入去店舖查詢入座 , 點知一行入去 ,
店員就好冇禮貌咁話 : 我哋 1 點先開始喎 , 有冇訂位㗎 ? 你做乜入嚟呀 ?
我地 O 咗嘴 😤😤 , 跟住就行返出去 , 係𨋢口同其他人繼績迫 ,
之後有唔少食客上到嚟 , 大家都企喺𨋢口 , 又焗又迫 🥵🥵🥵
店員 1 點正準時安排入座 , 冇乜禮貌而且反應緩慢 👎👎👎
餐牌 :
午市套餐 $68 包 1 碟肥牛 , 任食火鍋 , 甜品 , 飲品自助區 , $98 就係任食肥牛 + 自助區 , 我哋揀咗 $98 湯底都幾多選擇 , 6 個人可以揀 2 個鍋 , 我地揀咗 "人參雞鍋" 同埋 "壽喜鍋"
落完單 , 即刻去自助區攞嘢食 ! 店舖唔算好大 , 自助區好逼 , 排完隊之後根本冇位行 🥺🥺
熟食區只有 2 個食物夾 , 後來職員先放返每款食物一隻大匙羹 , 準備不足 , 安排混亂 😰
熟食有炸燒賣 , 春卷 , 咖哩角 , 薯角 , 肉丸 , 炸魚皮 , 響鈴 , 牛油炒粟米 , 炒腸仔 , 三文魚炒飯 ,
蘿蔔炆牛腩 , 蒸蛋 , 全部食物都冇名牌 , 靠估 , 熱食選擇雖然唔多 , 但呢個價位嚟講可以接受 , 味道唔錯 , 全部新鮮熱辣 ! 😁😁
火鍋配料選擇尚可接受 , 質素正常 , 泡菜餃子非常惹味 , 有巨型蟹柳 , 不過 refill 速度極之緩慢 , 一 refill 大家蜂擁而上 , 要爭先爭到返嚟 🥴
蔬菜區
有幾款蔬菜同埋菇 , 呢間食店用響鈴嘅黑色膠兜裝住 d 嘢食 , 雖然係環保 , 但感覺奇怪又山寨 🤔
前菜區有中華沙律 , 味螺 , 八爪魚 , 沙律菜 , 粟米 , 蕃茄 , 泡菜
甜品區有芒果布甸 , 泡芙 , 蜜瓜 , 芒果布甸質地太膠 , 而且似係溝出嚟嘅化學芒果味 😣😣
泡芙有好多味道 , 朱古力 , 士多啤梨 , 原味等等 , 都唔錯
仲有雀巢雪糕 , 紅豆樂同榴蓮雪條 , 試左榴蓮雪條 , 一般般
醬料區選擇正正常常 , 唔見有特別醬料 , 反而想提佢嘅豉油碟非常淺 , 裝唔到幾多 , 好容易倒瀉 🙄🙄
湯底
人蔘雞鍋聞落好香 , 但食落無咩味 , 湯底有啲人參根 , 壽喜鍋太甜 🙁🙁 ...
我哋 1 點左右落單 , 但係湯底要差唔多 25 分鐘先送到 🤨🤨 , 然後仲要等佢滾 , 其實冇乜時間食肥牛同其他火鍋配料 , 肥牛質素屬中下 😞😞 , 太多肥膏 , 肉質較粗鞋 , 如果 Lunch 得 1 個鐘 , 考慮埋肥牛質素 , 建議揀 $68 算 , 會抵食 d ~ 並應該以食熟食做主打 , 同埋碌下啲菇 , 菜
整體嚟講食物質素屬中至中下 , 服務同禮貌負分 😤😤 , 座位尚算坐得舒服 , 但係食店環境較擠逼 , 午餐時段性價比尚可接受 , 午市冇得碌卡 , 只收現金 , 特別想提呢度嘅服務真係好好好好好差 😠😠 !! 由等候入座安排已令人留低唔好嘅印象 , 然後送湯底嘅時候 , 我哋向店員查詢呢個係咩湯底 , 佢竟然咁答 : 你哋叫咩湯底咪咩湯底囉 , 真係聽到我眼都突埋 , 呢啲服務態度真係非常趕客 😔😔 回頭 ? 不了
张贴
