漢堡王 (已結業)

見到cashier旁一塊廣告,有個$30"燒烤煙肉漢堡"9號餐,好似好好咁,張相又好大個包,又好多煙肉,塊扒燒到好似好香咁,所以一試, 點知.......個姐姐放個包响個盤上面時,我以為比錯兒童餐我;首先,個包好"扁",好似比人壓過0甘,我係一個女仔都覺得好細；我問姐姐"呢個係咪9號餐?",佢好肯定咁話"係!";我話"吓??咁細個嘅?",姐姐就立刻找另一個哥哥過唻答我個問題,好有林海峰"阿娟,問嘢!!"feel. 佢用好pro嘅口吻話"你個餐係4.5吋包,大個嘅係呢隻(指住1號whooper餐),係5吋包", 由於我身上無尺,無以為証,但我覺得細半吋無理由差咁多掛?!返埋位越諗越唔對路,叫咗經理哥哥過唻,問咗同一個問題,佢當然都係話肯定係9號餐個包,但當我嚐試接受佢時,個扒係完全無味的,大家可以睇吓張相,我個包塊扒係無佢poster個塊真係被grill過嘅痕跡.記得以前係機場食都唔係咁細份嘅，你話唔同餐有size嘅分別,fine,但都可以寫清楚嗎?? 如果要比$30食一陣風落肚，不如比多少少錢去Triple O,或者去老麥好過啦