名館 (黃埔天地) (已結業)

閒日都要等位，好旺場，點解嘅？私房金黃球泡飯$68一鍋咁上枱，賣相好得，好有期望。入面有一個金黃色大波波，係乜料呢？原來入面係白飯，呢個係一個炸飯團，好大個嘅。湯底有少少粟米、蕃茄、毛豆......黑金流沙包$48得三個，都幾貴。都有流心效果，勝在熱辣辣出晒煙。金銀蒜蒸娃娃菜$58用生蒜同炸蒜用蒸籠嚟蒸，原汁原味。蒜味極濃，濃到菜嘅甜味都遮晒。蜂蜜柚子蝦球$78呢個最好食，做得出色。蝦肉做到爽口彈牙，難得外層脆皮做得好薄輕盈，唔會有油膩感。柚子醬亦做到甜度適中，味道清新，唔會死甜。茶錢每位$8，唔係一壺放枱，係等店員會幫你加的。蕎麥茶嚟，味道幾特別。