沙士亞印度餐廳 (已結業)

本來唔係會員，連openrice都少上，但呢次真係要寫一寫。基本上響香港食飯都預左d侍應無咩禮貌，好多時都算，無謂嘈。今次係第一次要開口鬧人----重要係印度人。呢間野響大埔開左十幾年，幫襯過唔超過5次，可能無為意平時佢地既服務態度，但今晚真係火X滾! 個印度女人態度惡劣咁走埋黎催埋單趕人走,重要兩次：頭一次擺低張單, 隔左幾分鐘又走埋黎，話出面有人等緊，大佬！ 你見唔X到檯上面d野未食晒、成杯Lassi未飲晒？ok, 我識做，盡量快食、快飲....幾分鐘後又走埋黎，我朋友忍唔住話：“我地未食晒wor..” 佢夠膽死話我地花太多時間去清晒佢！！！！你當自己個半鐘任食火鍋呀？！嫌慢咪埋黎幫手食囉！！之後我坐響度邊食邊怒啤佢，佢又望住我；埋完單我忍唔住投訴佢既服務態度，佢只係斜啤＋好fu衍咁答：“okok”。到我行到出門口，佢地幾個都重係好不滿咁望住我。大佬，你當客人係黑衣呀？！鍾意就趕客人走，連基本禮貌都無！重慶大廈d印度人唔係咁ga啵!雖然星期六，但出面得番幾個人等，又唔見你催隔離果幾檯埋單？好奇怪呢間野重可以生存。