影片
更多
2009-12-24
51 浏览
早幾個月前到Sevva呢間高尚法國餐。講真咁大個人一年都唔知會唔會去呢種地方,咁好自然對Sevva有較高期望。Sevva環境確是一流,嗰晚重係夜景位,只可惜每張枱之間距離真係比預期小,隔離枱食客談話或者咳都聽得清清楚楚。樓底不高,每個人的空間其實不多,幾局束。嗰晚點咗啲較平,以fusion為主的餸。經一位服務員推介,全部人叫同一樣fusion頭盤。有炸魚,西式沙律配不知明蔬菜,同中式波菜湯。蔬菜除咗新鮮冇任何特出之處。炸魚就只係普普通通係英國餐食那種,要配伴碟的甜甜酸酸醬增加味道。最失敗就係湯,感覺似街邊勁傑身的碗仔翅。菜已煲溶,但又絕不老火同普普通通亞媽煲的那種差好遠。沙律和炸魚都配的甜酸醬屬極濃味,而湯都係咁重味,增加條脷負擔,所以湯以清淡佳。上主菜前有sorbet中和味覺。到主菜方面,各人只點了意粉同埋和牛。香賓意粉係盛載在一個好深的大碟上,但主角意粉只是在碟中的小坑入面。分量係細到連女仔都嫌小,但實收六百幾。試了一啖,覺得為何不熱,又有些硬身,而且幼細。汁方面又是以重味為主但相反不傑身,較水汪汪,平平無奇,。和牛就做得較好,是切成一粒粒正方形,上面有煎小小,入口即溶,不須醬都有
嗰晚點咗啲較平,以fusion為主的餸。經一位服務員推介,全部人叫同一樣fusion頭盤。有炸魚,西式沙律配不知明蔬菜,同中式波菜湯。蔬菜除咗新鮮冇任何特出之處。炸魚就只係普普通通係英國餐食那種,要配伴碟的甜甜酸酸醬增加味道。最失敗就係湯,感覺似街邊勁傑身的碗仔翅。菜已煲溶,但又絕不老火同普普通通亞媽煲的那種差好遠。沙律和炸魚都配的甜酸醬屬極濃味,而湯都係咁重味,增加條脷負擔,所以湯以清淡佳。上主菜前有sorbet中和味覺。
到主菜方面,各人只點了意粉同埋和牛。香賓意粉係盛載在一個好深的大碟上,但主角意粉只是在碟中的小坑入面。分量係細到連女仔都嫌小,但實收六百幾。試了一啖,覺得為何不熱,又有些硬身,而且幼細。汁方面又是以重味為主但相反不傑身,較水汪汪,平平無奇,。和牛就做得較好,是切成一粒粒正方形,上面有煎小小,入口即溶,不須醬都有豐富味覺例牌那種和牛。須然是全晚最好食,但份量當然更小,成為接近九百。
之後上甜品時係有兩個女待應推一架黃金色的金屬蛋榚車出來,即場係架車上面啲蛋榚切出來,十分“新鮮”。由於不食甜品,所以只叫了一個cappuccino,但這杯咖啡級數同ifc間agnes b.一樣,毫無驚喜。
臨走等電梯前見倒Sevva原來有蛋榚賣,但賣相不是那麼好,有些是藍色的。等電梯期間有一法籍經理攞番個袋比我們,原來我們一位朋友攞漏手袋。那個經理文質杉杉,笑容滿面地恭送我們塔電梯。原來Sevva有自己的私家電梯和秘密離開通道,還有人專責把守,大開眼界。
-----------------
食物方面其實不太特出,又食唔飽,又貴。講真呢度每碟餸都不太適合香港人的口味,眼見餐廳內一半以上係外國人,可能餐廳不屑改菜式來迎合香港人。或者這裏的甜品出色但未有試過。格局其實只屬中上,如果比萬麗海景酒店的Lobby Lounge還略遜半籌。至小萬麗樓底超高,個人空間充足,擺設更優雅但又不會比Sevva貴。
服務方面,第一吓感覺上Sevva比附近同級l'atelier好。l'atelier的接侍是冷面,而說廣東話的兇惡待仔更不如翠華。至小Sevva的接侍是笑臉的。雖然全晚覺得待應們經驗不足,又不至於冇禮貌,服務方面可畀三分。但嗰晚之後有兩個朋友投訴服務員態度極差劣,以後都唔去。問題就在這裏,為何同枱都有兩種不同反應?其實每枱客人都由不同的人服待,當中應該有些態度差劣而由於鄙人嗰晚時運高所以碰唔倒。但總體而言,就算Sevva的待應態度良好,笑容可躹,大多數都係生手,經驗不足。高級餐廳的服務和食物同係重要,但偏偏Sevva的食物不合香港人之餘,管理層也不注重待應,導至待應態度和服務技考參差不齊。下面有些食評人大讚服務質數,並批評投訴的食評人,有欠公蘊。如果不是經理原故,今次應比喊面。
Sevva的環境、服務和食物不是最出色,但收費驚人,比較起來萬麗和Cova或會較合香港人要求。除了價錢因數外,Sevva一試無妨。
张贴
