魔芋麻辣雞 (已結業)

話說住咗喺葵涌區咁多年都唔知道有間咁優秀嘅餐廳🤭呢間位於光輝圍嘅餐廳主打嘅食物有幾方面: 雞煲、烤魚、水煮xx...甚至家常小菜都有。由於今晚係同媽媽去食，所以我哋今晚係點左家常小菜但係眼見好多在場嘅食客都係點左雞煲或者烤魚睇嚟呢度嘅四川菜都唔錯啵😍🤤家常小菜方面我地點左手撕包菜，毛血旺同埋胡辣椒炒豆乾鮮魷...手撕包菜來講，分量多之餘味道亦都啱啱好唔會太咸又唔會太辣！而且有少少酸酸辣辣嘅感覺，零舍開胃！再加上佢用咗少少芹菜調味令到呢個菜式更加香👍🏻毛血旺真係不得不讚，係老闆娘嘅推介下，我哋試咗呢個，因為平時食家常小菜好少會食到呢啲咁特別嘅菜式！唔好比d紅油呃感但係其實吾係好辣，入邊有豆卜豆芽牛柏葉豬紅粉腸豬大腸等等好多配料😍而且啲配料唔會過分熟而導致縮水👍🏻單憑佢個汁都可以食一碗飯😆推介！！胡辣椒炒豆乾鮮魷都係世界級特別嘅菜式，首先餐廳嘅食材非常新鮮，睇得出鮮魷唔係雪藏，呢隻胡辣椒味道特別，用嚟炒餸出嚟嘅味道唔錯！而且佢嘅環境非常寬敞，坐得好舒服，餐廳來講服務員嘅態度都算好好👍🏻可能因為我哋用餐時間比較早嘅關係，當時餐廳都比較寧靜，唔會話好嘈，感覺好舒服