更多
2016-07-03
796 浏览
能够令我再次重投openrice写食评,呢间餐厅真系不得了!见呢间餐厅好评不少谂住试下,点知完全中伏:先黎个泰藉或菲藉女待应全程黑面落单,iced lamon tea又变左iced lemon water, 算啦可能人地受左气所以拿埋块面。(顺带一提,另一个讲广东话嘅女待应就好好服务)泰国餐无泰式奶茶,又算啦,虽然好想饮但又真系未必间间泰国菜有。个炒金边粉一黎度,到我黑面!我认我严重歧视雪藏三色豆,无心机嘅餐厅最钟意落三色豆整色整水,黎掩饰碟菜唔够料、无配菜。再一次算啦,唔通成碟倒左去唔食咩。金边粉入口干身又偏硬,好明显系用干粉黎炒、而又处理得唔好。肉碎得少少、九层塔得少少,金边炒亦唔多,最后食净一大碟三色豆。另一碟大虾焗饭黎度,又系三色豆,饭底应该系拎甜酸酱定冬荫公汤底加三色豆捞饭。讲到呢度我都唔想浪费时间再继续打落去。简单讲,请我都唔会再黎!
见呢间餐厅好评不少谂住试下,点知完全中伏:先黎个泰藉或菲藉女待应全程黑面落单,iced lamon tea又变左iced lemon water, 算啦可能人地受左气所以拿埋块面。(顺带一提,另一个讲广东话嘅女待应就好好服务)
泰国餐无泰式奶茶,又算啦,虽然好想饮但又真系未必间间泰国菜有。
个炒金边粉一黎度,到我黑面!我认我严重歧视雪藏三色豆,无心机嘅餐厅最钟意落三色豆整色整水,黎掩饰碟菜唔够料、无配菜。再一次算啦,唔通成碟倒左去唔食咩。金边粉入口干身又偏硬,好明显系用干粉黎炒、而又处理得唔好。肉碎得少少、九层塔得少少,金边炒亦唔多,最后食净一大碟三色豆。 另一碟大虾焗饭黎度,又系三色豆,饭底应该系拎甜酸酱定冬荫公汤底加三色豆捞饭。
讲到呢度我都唔想浪费时间再继续打落去。
简单讲,请我都唔会再黎!
张贴