大家樂 (駱克道)

連鎖快餐店嘅食物俾人嘅印象係唔會有驚喜，同時亦唔會太不堪，平平無奇，但又唔會差到離奇。

所以今日去灣仔Wine Fair 之前去左我成年都無幫趁過嘅名店 - 大家樂，食個早餐。點知今日就咁瀨左野！

叫左個蜜糖雞朳炒蛋，加個炒麵，飲熱咖啡。HK$33

賣相倒胃

先睇下個不知所謂嘅賣相，其係幾嚇人，啲汁成個碟邊都係，好似俾緊一pat 野你食。

蜜糖雞朳，細得好可憐，估計連3安士都冇，街市雞朳先15蚊磅，呢塊野都唔值3蚊雞。味道就仲可以，有蜜糖味，煎得亁身。

面生底老

蛋差到離譜，面果啲全部係未熟蛋漿，底就老哂，我之前喺大家樂食嘅炒蛋外滑內軟喎，有冇搞錯！

多士，唔熱，靱嘅！

炒面，肥 lum lum ，食落又係凍嘅，唔知點講。

杯所謂即磨咖啡，我真係以為叫錯左個即溶咖啡，得奶味冇啡味！

總結: 喺灣仔食親早餐都冇好野，下次都係問下果頭住果啲朋友邊度有好野食先得！